BESITA T'O CENTRO DE HISTORIA DE ZARAGOZA

Fablans Zaragoza piensa reyalizar en iste curso 2010-2011 una serie de gambadetas endrezatas á l'alunnalla, sozios y amigos con a intinzión de fer pacha entre toz y todas á o tiempo que aprendemos, esfruitamos, minchamos, danzamos, cantamos y andamos.

Escomenzipiemos o pasato 17 de nobiembre en o Centro de Historia de Zaragoza, besitando a esposizión de Instrumentos de música popular en Aragón, encargata por o Conzello de Zaragoza ta os Dulzaineros del Bajo Aragón.

Diago Lezaun, miembro de DBA, Mayestro d'aragonés y sozio de Fablans estió o mainate d'a besita. Nos charró en aragonés arredol d'a bida, obra y miraglos de cada estrumento que yera esposato. Nos fizo cantar y por inte nos clabó como críos en a semana santa de cualsiquier lugar d'Aragón. Aprendimos que os danzes son una d'as pocas cosas que se repiten por cuasi que tota la cheografía aragonesa, que l'estrumento más odiato por os gaiters ye o curdión, anque ahora ya se leban bien y que en Zaragoza se fabricaban barbucas en o tiempo d'os moros muito parellanas á las que güe se tocan á o canto l'Atlas.

Agradexemos a Diago, mayestro, mosico, sozio y amigo que compartise con as más de trenta presonas que combocó Fablans en ixe miercols d'aguerro ta conoxer una mica más os costumbres d'a tierra nuestra.

Chan Baos
Colla d'amostranza de Fablans

No hay comentarios:

Publicar un comentario