Ligallo de Fablans

Quiénes semos

O ligallo amanixió como una refundazión d'a Colla Chobenil d'a Fabla, colla que si bien en primerías querión integrar-se en o Consello d'a Fabla Aragonesa rematón por camins diferens, porque teneba una orientazión mas populista d'amanar l'aragonés a la poblazión y o Consello yera más academizista. A Colla Chobenil d'a Fabla, fazió una conferenzia de treballo en febrero de 1982 en o salón d'autos de o PSA en a carrera Canfranc, allí se dezidió de creyar o Ligallo de Fablans de l'Aragonés, mesmo o propio nombre se dezidió en ixa conferenzia. O primer logotipo lo diseñó Fernando Romanos qui tamién fazió a propuesta de o nombre que a la fin quedó definitibo, descartando atros tan pintorescos como "Rabañera de Charradors".


As fins d'o Ligallo son més que més difusión, promozión, esfensa y estudeyo de l'idioma aragonés. Entre as suyas autibidaz destacables en 1982 yeran:

· Editoron o primer lumero d'a rebista Orache.

· Preparoron un dizionario d'aragonés Dizionario de pocha d'a fabla aragonesa, pa compensar a engulemada, seguntes els, d'emplegar o dizionario de Rafael Andolz y fer un material senzillo y asequible pa ixa chen que empezipiaba.

· Partiziporon en programas radiofonicos d'una radio libre (Radio Antena del Ebro).

En 1983, 1984 y 1985 s'ixampla asabelo l'autibidá d'ixa asoziazión, se fan cursez d'aragonés y contina a publicazión d'Orache. En ixas añadas Fernando Romanos imparte un curset en la Unibersidá Popular de Zaragoza y propone a creyazión d'un díya reibindicatibo "l'aragonés en a carrera", que consisitió en a primera edizión en fer un domingo todas as clases d'aragonés que feba o ligallo en bel meyo d'a carrera con auto de ficanzia y protesta. O segundo año se fazió o mesmo, incluyindo-ie romanzes, musica, y atras autibidaz ludicas. Esta autibidá que empezipió como un auto reibindicatibo s'ha continau fendo dica güe.

Tamién s'organizan unas Chornadas sobre a luenga aragonesa y se contina con a difusión a trabiés de mesas informatibas en as fiestas d'o Pilar, en a Zincomarzada y os domingos en a Plaza d'España.

A decada de os 80 tenió un referen ta l'aragonés en a caseta que tenió o Ligallo en o Pabellón de Fiestas, lo cual sirbió ta amanar as relazión de o Ligallo a atros coleutibos ziudadanos y sozials y ta tener una presenzia en l'ambien festibo. Amás de suponer una puyada de os ingresos de o Ligallo que le fazió amillorar as suyas autibidaz, publicazions y cambear a una siede millor.

Bel grupo de ligallers que alabez yeran en a Unibersidá de Zaragoza colaboran en a presentazión d'una enmienda sobre a cuestión luengüistica a os suyos Estatutos, y organizarán a Chunta Unibersitaria por la Reconoxedura e la Promozión de l'Aragonés. En los años biniens continoron l'autibidá y s'estendilla ta atras zonas como Bal de Xalón u Bal de Chistau. O Ligallo tamién partizipó en o programa Fendo Orella, en o premio Naya y, en 1987 en lo I Congreso ta ra Normalizazión de l'Aragónes, que fixó a ortografía aragonesa.
O preto de o Ligallo, o momento que más miembros tenió, y más autibidaz feba estió cuan s'organizó o Conzierto de Gwendal + Ixo Rai. Cursos en Comarcas, chestions de proyeutos como Trobada de Chobens d'Albarrazín, participazión en o Banco d'Autibidaz de o Cipaj y o programa de Profesional ta Asoziazions, Intercambios con Occitania y Euskadi etc, recuperazions de Carnabals. A partir d'este momento por dibersas razons empezipian conflictos y l'abandono de muitas de as presonas que eban treballau dende l'empezipio, lo cual no han pribau que o Ligallo contine fendo fayena por l'aragonés.

A gran labor d'o Ligallo se zentra en amostrar l'aragonés a la chen choben de Zaragoza, o que ha feito que o problema luengüistico no només se tienga en cuenta que en l'Alto Aragón: chenerazions nuebas d'aragoneses d'a capital u de bellas comarcas on desaparexió l'aragonés saben que esiste l'aragonés encara que i aiga albandono ofizial.

Como contribuzión a o estudeyo de l'aragonés destacan os estudeyos de campo en a Bal de Chistau u en A Fueba por parte de Fernando Romanos Hernando y Fernando Sánchez Pitarch, u la replega de literatura popular, u trascripzions de charratas en l'Alto Aragón por parte d'os Zerrigüeitaires.


Qué femos



Ligallo de Fabians de Zaragoza considera que l'aragonés ye a luenga propia d'Aragón y que cal que siga protexita, recuperata y espardita en o conchunto de a soziedá aragonesa y estar elemento d'integrazión de a mesma.

Os oxetibos de o Ligallo de Fablans de Z.aragoza son:

-Consiguir a normalizazión lingüistica, sozial, y ofizial de l'aragonés.

-Estudiar, espardir, formar, esfender, promober a luenga y a cultura aragonesa en cheneral.

-Impulsar un amplo mobimiento sozial en refirrne de a luenga y cultura en aragonés y a cultura popular aragonesa.

-Promober l'emplego de a luenga aragonesa entre os/as que la conoxen, asinas como a creyazión de comunidaz autibas y d’aragonesofablans.

-Desembolicar l'aizión soziocultural de a luenga y cultura popular aragonesa.



Ta consiguir os oxetibos, o Ligallo de Fablans de Z.aragoza ferá as siguiens autibidaz:

-Toda mena d'autibidaz formatibas ta l'alfabetizazión, amostranza y emplego de l'aragonés.

-Debates, rufiertas, mesas redondas u mayas, y atras autibiclaz culturals y sozioculturals.

-Fer toda mena d'edizions, impresos y audiobisuals.

-Empentar, coordinar y partizipar en autibidaz con atros coleutibos ta desembolicar autibidaz conchuntas.

-Organizazión d'archibos, bibliotecas y zentros de decumentazión espezializatos en Aragón, cultura aragonesa, y luengas minorizatas, entre atras, que premitan a imbestigazión y millor conoxliniento de a luenga aragonesa y de a suya istoria, a nuestra cultura popular y d'Aragón en cheneral.

-Autos ribindicatibos.

-Benda y distribuzión de materials propios y d'atros, con oxeto de dar á conoxer y espardir a luenga y cultura aragonesas y aduyar á lo sustenimiento economico de a resta de as autibidaz de l'Asoziazión.

-Autos, fiestas y autibidaz de carauter ludico.




No hay comentarios:

Publicar un comentario