CHARRADA DE CARLOS ABRIL EN O LIGALLO

O pasato 24 de marzo, en o cuatrón de l’ Aula Ubierta de Ligallo de Fablans de l’Aragonés, se desembolicó a charradeta sobre l’orichen d’a lengua aragonesa. S’emplegó como alazet o bidio “Visiones 2: Formación del Aragonés y del Catalán de Aragón” d’a canal de youtube de “Lenguas de Aragón”. A charradeta la desembolicó Carlos Miguel Abril Carceller, profesor d'Aragonés, Consello d'a Fabla Aragonesa.

Se i paró ficazio espezialmén en o tocán a porqué, cómo e cuán surten as luengas romanzes (disoluzión d’o Imperio Romano d’Ozidén, nuebas soziedaz-luengas, o caso d’Aragón); bels primers testos aragoneses (Las Glosas Emilianenses, o “Vidal Mayor”, a “Cronica de S. Chuan d’a Peña”,...); a castellanizazión; a epoca d’o “Escubrimiento” (Joaquín Cosata, J. J. Saroïhandy...); a epoca d’a ditadura franquista, V. Méndez Coarasa, a literatura popular en aragonés ribagozano...; e o “Dispertar” (c. 1970) con l’aparizión de os primers testos literarios en aragonés común e local con conzenzia de lengua (Francho Nagore, Ánchel Conte, E. Vicente de Vera, Nieus Luzía Dueso Lascorz...), e a creyazión d’o Consello d’a Fabla Aragonesa. Se remató con a letura d’o primer poema “T’ha aturáu quizás...” d’o poemario fundazional “Sospiros de l’aire” (1971) de Francho Nagore Laín.




16 ABRIL 2023. EN FABLANS MOS N'IMOS DE GAMBADETA ENTRE IBIECA Y CASBAS DE UESCA. YA YE UBIERTO O PLAZO D'INSCRIPZIÓN


 

YA YE DISPONIBLE EN PLAY SOTRE L'APP ARAGONARIO

Ya ye disponible, ta estar descargada sin coste, l’app Aragonario ta Android.

Se trata d’un traductor bidirezional aragonés-castellano y castellano-aragonés, que permite a l’usuario a traduzión inmediata de palabras y ofrexe informazión gramatical complementaria.

O proyeuto se suma asinas a os esfuerzos que, dende a Direzión Cheneral de Politica Lingüistica d’o Gubierno d’Aragón, se son invertindo en normalizar l’emplego de ferramientas y aplicazions innovadoras que milloren o libel de dichitalizazión d’as luengas propias d’Aragón.



Uei rezeta: migas zaragozanas

     Viernes 24 marzo: Migas zaragozanas


Charrada de Carlos Abril Carceller: "Formazión de l'aragonés e zonas d'emplego. Comentarios e desemboliques a Visiones I e II. Canal YouTube Lenguas de Aragón"

Ligallo de Fablans de l'Aragonés invita a totas e toz a la charrada de Carlos Abril Carceller: "Formazión de l'aragonés e zonas d'emplego. Comentarios e desemboliques a Visiones I e II. Canal YouTube Lenguas de Aragón"

Viernes 24 de marzo, 19:00 oras, en a siede de Fablans: Paseo Independenzia 24-26, Planta 1, local 71. 50004 Zaragoza. Inscripzión previa en: presidenzia@fablans.org o 692 637 391


UEI VIERNES, POSTRE: RANDILLAS

Viernes 17 de marzo: Randillas (Torrijas)


CHARRADA DE EBARDO FERNÁNDEZ EN O LIGALLO

O pasau viernes 10 de marzo, Ebardo Fernández nos charró sobre "Ecolingüistica, ODS e achenda 2030: Estratechias pa fer creixer l'aragonés". Asinas podiemos comprender-ne que, cuan en una actividat economica se fa servir solo que una lengua predominán, fa un impacto positivo pa ixa lengua, e negativo p’as atras lenguas minoritarias (aragonés,  signos, etc.). Esisten estratechias de Responsabilidat Sozial Corporativa pa compensar ixe “rastro de carbono lingüistico” adedicando un presupuesto equivalente a ixe impacto en finanziar proyectos lingüisticos de ENLs. Anque también trobamos actividaz económicas que fan servir en bella mida l’aragonés perque creyen en o equilibrio lingüistico, que ademés les posiziona como opzión de consumo responsable, e ixo repercute positivamen en os resultatos economicos d’a suya actividat.




ROPA BIELLA

     Viernes 10 marzo: Ropa biella


Charrada de Ebardo Fernández Herrero: "Ecolingüistica, ODS e achenda 2030: Estratechias pa fer creixer l´aragonés"

Ligallo de Fablans de l'Aragonés invita a totas e toz a la charrada de Ebardo Fernández Herrero: "Ecolingüistica, ODS e achenda 2030: Estratechias pa fer creixer l'aragonés"

Viernes 10 de marzo, 19:00 horas, en a siede de de Fablans: Paseo Independenzia 24-26, Planta 1, local 71. 50004 Zaragoza. Inscripzión previa en: presidenzia@fablans.org


BAINETAS ESTOFATAS

    Viernes 3 marzo: Bainetas estofatas


Ligallo de Fablans de l'Aragonés será en a zincomarzada 2023

Como ye tradizional, a zincomarzada se ferá en o Parque Tío Chorche an i meteremos mesa informativa y a botiga de Fablans. Bi seremos tot o día (puedes venir-ie y aduyar-nos en o puesto), dende o maitín dica ra tarde. Podrás comprar chambretas, libros y tamién podrás levar-te a revista Orache. Viene-te-ne con nusatros a fer una charrada u fer una mica gasto con os nuestros productos.


       Fablans será en o Parque Tío Chorche




UEI TOCA POSTRE: NATIELLAS ARAGONESAS

   Viernes 24 febrero: Natiellas aragonesas




CHARRADA DE CHUSÉ RAÚL USÓN EN O LIGALLO

O pasau viernes 10 de febrero, Chusé Raúl Usón, editor de Xordica, nos presentó "Lo infinito en un chunco", de Irene Vallejo, en a suya traduzión a l'aragonés y edizión en Xordica. Tamién fabló y disertó, debán de as 18 personas que empliban a siede de Fablans y d'a Fundazión Aragonum, sobre o prozeso de normativizazión -creyazión d'un modelo lingüistico- y normalizazión -emplego sozial- d'a luenga aragonesa. Entre toz i-pasemos una tarde pistonuda, que caldrá repetir-ne.








RECAU DE GARBANZOS CON ABADEIXO

 Viernes 10 febrero: Recau de garbanzos con abadeIxo


PRESENTAZIÓN DE "LO INFINITO EN UN CHUNCO" POR O SUYO EDITOR, CHUSÉ RAÚL USÓN. XORDICA

Viernes 10 febrero. 19 oras

Presentazión de "Lo infinito en un chunco. La invención d'es libros en o mundo antigo"

O libro d'Irene Vallejo será presentau por o suyo editor, Chusé Raúl Usón, Ediziones Xordica, en a Siede Sozial de Fablans.

Si quiers venir-ie, cal avisar-ne a Secretaría (tfn. 692637391), por whatsapp, u por e-mail, escribindo a presidenzia@fablans.org






A IXENA. AS AUTIVIDAZ D'O LIGALLO DE FABLANS DE L' ARAGONÉS. IVIERNO-PRIMAVERA 2023






Ta cualsequier partizipazión en as autividaz, cal avisar-ne a secretaría; Tfn 692637391, por whatsapp, u por e-mail escribindo a presidenzia@fablans.org

• 10 de Febrero, 19 oras. Presentazión de “Lo Infinito en un Chunco”, Autor: Chusé Raúl Usón. Editato por Ediziones Xordica. Puesto: Siede Sozial Fablans.

• 17 de Febrero, 19 oras. Presentazión de “Espeutral Comic” cómic en Aragonés. Autors: Angel Guinda e Josema Carrasco. Editato por Olifante Ediziones de Poesía. Puesto: Siede Sozial Fablans. Se ferá o 22 d'abril, con os Omenaches arredol de l'aragonés. Tos informaremos.

• 05 de Marzo. Partizipazión en l´autividat d´a Cincomarzada. I seremos dende o maitin dica ra tarde (iremos concretando orarios). Mesa informativa e botiga. 

• 10 de Marzo, 19 oras. Charrada sobre Responsabilidat sozial corporativa, con Ebardo Herrero. 

• 17 de Marzo, 19 horas. Charrada de: “O prozeso de recuperazión d´a luenga aragonesa”. Por Carlos Miguel Abril Carceller. 

• 16 d´Abril. Vesita guiata t´o zentro d´interpretazión de l´aragonés. Puesto: Monesterio de Casbas. 

• 22 d´Abril. Omenaches arredol de l´aragonés. Zena e omenaches a sozios istoricos d´o ligallo e a suya labor en defensa d´a lengua aragonesa. Reconoiximiento a os voluntarios. Presentazión d´a Colla Chovenil de Fablans. 

• 23 d´Abril, día d´o libro. Partizipazión con una mesa ta ra venta de libros. A botiga será Ubierta ixe día. 


Toz os viernes: rezetas de cozina. Uei toca postre

Viernes 3 febrero: Mantecaus de la Cuba




Toz os viernes: rezetas de cozina

   Viernes 27 chinero: Garrons de Ternasco





ELENA GUSANO GALINDO, PREMIO CHUANA COSCUJUELA 2022

A escritora y dramaturga Elena Gusano Galindo replegó o pasau 12 chinero o Premio Chuana Coscujuela 2022, en o Palazio de Congresos de Chaca.

L’auto, que estió amenizau por o grupo mosical Gaiters de Chaca y o grupo de teatro Dingolondango, estió conduziu por Mamen Sánchez y contó con a presenzia de l’alcalde de Chaca, Juan Manuel Ramón; d’a presidenta d’a Comarca d’a Chazetania y alcaldesa d’Ansó, Montse Castán y d’o direutor cheneral de Politica Lingüistica, José Ignacio López Susín.

O Premio Chuana Coscujuela, empentau por a Direzión Cheneral de Politica Lingüistica d’o Gubierno d’Aragón, tiene carauter onorifico y reconoxe una labor continada u d’espezial notoriedat y importanzia, en cualsequiera d’os ambitos sozials, culturals, esportivos, artisticos, economicos, etz., que supongan un destacau benefizio ta la luenga aragonesa.

En a presén edizión, o churau dezidió atorgar o gualardón a Elena Gusano Galindo por o suyo treballo por revitalizar l’aragonés ansotano, por a suya capazidat de treballo y a suya implicazión en a dinnificazión d’a luenga aragonesa.


Direutor Cheneral de Politica Lingüistica d'o Gubierno d'Aragón, José Ignacio López Susín entrega o "Premio Chuana Coscujuela" 2022 a la escritora y dramaturga Elena Gusano Galindo

O ZAGUERO DISCO D'A RONDA DE BOLTAÑA EN A BOTIGA DE FABLANS

A escape has de crompar-ne “La estación de las violetas”, o zaguero treballo d’A Ronda de Boltaña, un disco sobrebueno que podrás pillar-te en a botiga d’o Ligallo de Fablans, a ro millor pre de totas as botigas dimpuesas que t’en faigas una golladeta: solo que 15 €. En iste disco, amás, colaboran con A Ronda un buen camatón de mullers, a-saber-lo grans artistas: Rozalen, María José Hernández, Carmen París, Ester Vallejo, Ana Diáfana, Emma Sánchez y Amaral, que interpreta “Canta d’a luenga matria” en aragonés.


Canta d'a luenga matria - YouTube


ZAGUEROS DÍAS D'A TRONCA DE NADAL

Alcuerda-te que son os zagueros días d'a tronca de Nadal en o Centro Independencia de Zaragoza (dica ro 5 de chinero, de 17:00 a 20:30). Y una foto de baldes a toz que se i amanen. Leva-te-ne una. Ye una esperienzia ta espleitar en familia.