Fuellas d'información d'o Consello d'a Fabla Aragonesa, coloquialmen Fuellas, ye a primera y más beterana rebista feita de raso en aragonés. Dende aquels primers 100 exemplars de tirache se ha pasato a ros 1.500 autuals. Ye a publicazión periodica, no diaria, más antiga d'Aragón, pos contina editando-se dende chunio de 1978. En abiento de 2010 saliba o numero 200; arredol de 5.000 pachinas fan beyer a suya importanzia en o prozeso de modernizazión de l´aragonés.
Se zentra en informazión d'autualidá sobre as autibidaz d'o Consello d'a Fabla Aragonesa por l'aragonés y a cultura feita en aragonés: literatura, amostranza, publicazions, politica lingüistica, textos populars, autibidaz, ezetra. Admite rezensions de publicazions, textos curtos de creyazión literaria y bells treballos d'imbestigazión u de replega arredol d'o lexico, a gramatica u atros aspectos de l'aragonés.Ye bimestral y cada lumero, por un regular, gosa tener entre 20 y 32 planas. O suyo director ye o filologo Francho Nagore.
Agora ya podez leyer de baldes os zaguers lumers de Fuellas en iste binclo
Fuente: http://an.wikipedia.org y Facebook d'o Consello D'a Fabla Aragonesa
No hay comentarios:
Publicar un comentario