Ya ye asti a trezena Borina por l’Aragonés, que anque ye n’as mesmas calendatas que as Chornadas d’as Lenguas d’Aragón están dos autibidaz prou diferens.
En ista begada, Nogará y Ligallo de Fablans ferán a borina o diya 15 d’Abril, Biernes, en The Prior Cavern (Pza. Sta. Cruz, 7) a partir d’as 22:30 dica que nos dixen estar-ie y toz soz imbitaus.
Como totas las añadas, bi abra botigas, mesas informativas, sorteus, bingo, bella sorpresa y mosica. ¡¡Y que mosica!!, contamos con as autuazions de A Compañía de Chesus y de Vinoman. Como toz ya sapez, A Compañía ye una formación con soniu definible como folk-rock con tintes de alcoholk...,porno-folk o cualsiquiercosa-folk. Y Vinoman ye una lumerosa colla de “gamberros” que meten gastronomía a o suyo folk-rock ta que a chen no ature de blincar con as suyas cantas a meyo camin entre l’umor y a luita.
Alto u baxo, anque mas baxo que alto, o cartel d'autuazions será o binien:
22:30.- A Compañía de Chesus
23:30.- Leutura d’o manifiesto por l’aragonés por Chesus Gracia
24:00.- Vinoman
01:00.- Sorteus y Bingo
Pero, por denzima de cualsiquier atra cosa, a borina ye ta charrar aragonés y ta contrimostrar que ni ye muerto ni morirá. Asinas que tos asperamos a toz.
Antonio Brosed
Redazion d'o blog.
Redazion d'o blog.
No hay comentarios:
Publicar un comentario