RUFIERTA ARAGONESA N´A TABIERNA D´O BICO

Ola a toz y a todas atra begada

Ya podez beyer en l'ambient que a primabera ye plegada cuasi de sopetón y d'un trucazo. Os días buenos s'achuntan con os malos y s'enreligan de tal traza que isto de l'orache ya parix fesica cuantica, que no bi ha dios que entienda, ni a la un ni a l'atra. Dimpués de tantas plebias de Semana Santa, que nos han dixau bien corrucaus, biene o sol, biene o polen y bienen as alerchias que nos dixan os n ...asos royos que parix que imos pifolos tot o día. Diz que o millor ta espisguardar-las ye ficar-se en una tabierna y aguardar que pasen de largo. Por ixo bos comboco, només que con a enchaquia d'abentar angluzias iperalerchenicas (Jolio... qué palabro! O que s'aprende en os cursos d'aragonés!!!) ta o benién chuebes 5 de mayo, en a nuestra tabierna de siempre, o bar Somport, en a carrera García Sánchez, 34 y en l'orario abitual de 19:30 a 21:00, siempre alto u baxo, que no nos va d'un par de menutos por debán u por dezaga.

Por zierto, que yo me sé d'un que ye alerchico a la flor de l'ordio. Ixe lo tiene jodiu con a biera. Pues jodiu por jodiu, que se'n joda y que zorrupe augua.

Dica o chubes. No i manquez


Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Chesús L. D.

No hay comentarios:

Publicar un comentario