COMBOCATORIA ASAMBLEYA CHENERAL EXTRAORDINARIA


Quiestos Ligallers y Ligalleras,

Tos combocamos ta Asambleya Cheneral Estraordinaria que feremos o diya 2 de Chulio de 2010 a las 18.00 oras en primera combocatoria y a las 18.30 en segunda. O puesto en do feremos a chunta será o Centro Civico "Río Ebro", edificio José Martí en a Sala Río Gallego. Iste zentro zibico ye en a carrera Alberto Duce nº 2(a l'altura de Grancasa). No pas en l'atro edifizio Río Ebro que ye amán de o Carrefur en a carrera María Zambrano.

En Chunta Direutiba pensamos que son pasando cosas prou importans en o mundo de l'Aragonés y sobre as cualas Ligallo de Fablans de Zaragoza tiene que dezidir si cal prenunziar-se y prener
postura u no pas. En cualsiquier caso ye una custión que tenemos que dezidir entre tot lo coleutibo de Fablans de Zaragoza pues puede tocar l'esenzia y l'esdebenidero d'a nuestra asoziazión en particular y de l'aragonés en cheneral.

En o punto terzero se fablará d'as ortograf'ias. Dende Ligallo de Fablans de Zaragoza comboquemos unos Seminaríos sobre as ortografías do s'ufrió informazión sobre as grafías que se son manullando en l'autualidat. Bi partizipón Manuel Castán y Juan José Segura por parti de L'Academia de l'Aragonés ta esplicar a suya posizión.Por atro costau Francho Nagore esplicó en otra charrada as suyas razons. De o costau de a Sociedat Lingüistica Aragonesa(SLA),dengún no estió disposau ta i amanar-se. Queremos saber a tuya opinión y en que endereza s'ha de mober a Chunta Direutiba y por estensión o Ligallo.

Tamién queremos comunicar-tos que se nos ha combidau a rebiscolar Chuntos por L' Aragonés u a partizipar-ie si se rebiscola. Ista ye una dezisión que, creyemos, debe ser presa pos os sozios.

Por fabor, no i manquez y, si no podez amanar-tos-ie, dixaz o boto delegau.



Zaragoza 10 de Chunio de 2010

Fdo.Alexandro Muñoz Casas

President de Ligallo de Fablans de Zaragoza

1 comentario: