ZINQUENO CABO D'AÑO D'O BLOG "OS MONEGROS"

Del 31 de marzo del 2006 al 31 de marzo del 2011:
Han pasau cinco añadas dende aquel primer post “En Os Monegros pervive el aragonés”. Ha pasau el tiempo, ¡cinco añadas!; y pa bien o pa mal, paize que es güena siñal. Asinas que poquer a poquer, en ista faina con l´aragonés en Os Monegros, s´ha feito algo de bulla, con una mayor presenzia de l´aragonés que s´ha heredau de nuestros antepasaus y remerando tradiciones y recuperando piazetes del rico patrimonio etnográfico Monegrino y Aragonés.

20110331124620-os-monegros.jpg

Cinco añadas labrando en el árido paisaje Monegrino, en iste disierto, en ista tierra hermosa que: “¡bien imos de festejar-te tierra!”; que esta tierra es hogar, o mio lugar. Cinco añadas labrando el tozudo mallacán y tamién arando yermos que m´han dau os suyos frutos, esfendiendo y fendo presencia de l´aragonés de Os Monegros.

O blog prenzipió con escritos, que en istas cinco añadas, de contino s´han publicau en “Quio”, la revista de Sariñena y Los Monegros (Os monegros) y en iste blog “Os Monegros”.Y aún bi ha muitas cosas que fer, continar como la cierzera, empentando capitanas en os yermos monegrinos, en campos de cebada y trigo con royos ababoles entremezclaus. Asabelo de cosas que nos aguardan…, ¡güenos deseyos!!

Grazias leutor/leutora, sin busatros/as isto, o blog y o traballo, no tiene cosa de sentido.

¡Entadebán Os Monegros!

Fuente: http://osmonegros.blogia.com

No hay comentarios:

Publicar un comentario