BOCABULARIO DE MURILLO DE GALLIGO

O CFA edita un Bocabulario de Murillo de Galligo

En a zaguer edizión de a Feria de o libro aragonés de Monzón se presentó o Bocabulario de Murillo de Galligo. Un treballo de más de cuatromil parolas propias d’ista localidá aragonesa.

A obra reculle un amplo lesico d’ista poblazión de a Galliguera. Situgada en puesto estratechico de paso y entre mugas cheopoliticas. Anque os autors han localizato o suyo estudeo en Murillo, ye estendillable á lugars como Ayerbe, Agüero, Riglos u Salinas. En a redolada de rezién castellanizazión combibe/coesiste una coiné lesica prou intresán.

L’autora de o libro, Mª Liena Palacios Rasal, filla de o lugar, ha reyalizato a replega d’una traza conzietuda, tanto á la ora de tratar con os informadors como fendo a triga. Palacios ye Lizenziata en Filosofía y Letras, y Diplomata en Biblioteconomía y Decumentazión. Una profesional en o tratante á manullar datos. Chan Baos Muñoz ye mayestro d’aragonés y fablador dende fa más de bente añadas. A faina suya solo ye estata que d’acotraziadura cheneral y informatica. Os dos forman parti de l’autibidá cutiana de Ligallo de Fablans de l'Aragonés.

Iste ye o bolumen 18 de a colezión “Puens enta la parola” que O Consello d’a Fabla Aragonesa remata d’editar en abiento de 2010. Ista asoziazión Uescana con esprito editorial presentó iste Bocabulario en Monzón de conchunta con Chesús Aranda y Santiago Román Ledo, que presentón os suyos treballos Querenzias y Cronicas d’Ardanui respeutibamén.

Puede mercar-se en a siede de Fablans (orario y puesto) y en abotiga.com


Antonio Brosed
Redazión d'o blog de Fablans Zaragoza

No hay comentarios:

Publicar un comentario