Quiestos ligallers/as.
Ista añada, como l´añada pasada, o Ligallo de Fablans de Zaragoza tamién quiere estar presen, o diya 12 d’otubre, en a tradizional ofridura de flors que se fa a ra nuestra patrona d’a ziudá, la Birchen d’o Pilar.
Por ixo, o Ligallo saldrá como colla dende o punto de surtida lumero 7, qui ye afincato en a carrera d’o Marqués Casa Jiménez (abaxo bi ha bel mapa de an ye), a ras 15.40 oras.
Tos animamos a toz que i biengaz. Asinas que si tos fa goyo ra ideya nomas tiens que trucar a lo telefono d´a siede u nimbiar-nos un correyo a ra adresa de Secretaria de Fablans ta saper cuanta chen i seremos. Prou que si, tamién podez trayer chen que no siga de Ligallo ya que ye una autibidá ubierta ta toz os que quieran estar-ie con nusatros. Ye un buen diya ta beyer-nos y pasar un buen rato.
Tamien, para cuenta que mercaremos, lo mesmo que l´añada pasada, una capaza de flors bien pincha que bosaremos entre toz os que bi sigamos ixe diya.
Cordinadora d’autibidá
Secretaria de Fablans de Zaragoza
No hay comentarios:
Publicar un comentario