“Las albadas de mi tierra se entonan por la mañana para animar a las gentes a comenzar la jornada.” Manimenos, d’a mesma traza que garra canta poderba animar os paxaros si bel diya lo sol dezidise dixar d’iluminar ista tierra, garra albada, escrita, por escribir, o por prexinar, poderba animar las chens d’ista tierra dimpués que o suyo lolo, o suyo Labordeta, aiga prenzipiau o suyo zaguer biache enta la inmortalidá.
Ligallo de Fablans de l’Aragonés, igual como a resta d’ista tierra, plora que o sol d’Aragón aiga dezidíu dixar d’iluminar os nuestros esmos d’a traza en a que i yeranos feitos, pero perén te seremos agradexíus que aigas estau luz ta la nuestra luenga en un inte anque nomás bi eba esculredá. Aqueras montañas en as que t’ese cuacau estar pino, tremolan en pensar que nunca no tornarás a puyar a un eszenario ta continar cantando en aragonés.
Labordeta, lolo, compañero, mayestro, muitismas grazias por o treballo que has desembolicau en a esfensa d’Aragón, d’a dinnidá, d’a democrazia y d’a cultura. Bellas añadas dimpués de componer-la, has aconseguíu que una canta más se fese reyalidá, y ye que, amigo, anque faiga fagüeño, chifle l’ausín u sofle zierzo, tu continarás plantau aquí.
Liena Palacios
Presiden de Ligallos de Fablans de l'Aragonés.
Alexandro Muñoz Casas
Presiden de Fablans de Zaragoza.
No hay comentarios:
Publicar un comentario