SERRAT RECONOIX O CATALÁN, PERO REFUSA L’ARAGONÉS

A consellera de Cultura, Dolores Serrat, facio fa bells diyas unas declaracions en que dixaba platero que a lei de luengas estaria modificada en o primer anyo d’a lechislatura. En ixas declaracions sosprende a referencia a las esferents luengas d’o país. Serrat esplanico que a “reforma d’a lei de luengas d’Aragon tendra l’obchectivo de guaranciar que totas as presonas puedan conoixer as modalidatz lingüisticas y o catalán”.

En as primeras declaracións sobre a lei de luengas, precisament, o que o Gubierno d’o PP dixaba cayer ye que l’obchectivo yera sacar a denominación d’o catalán. Agora, a consellera charra d’una luenga, o catalán y d’ixo que dicen “modalidatz lingüisticas” que parixe estar que ye o que a romania y a sciencia filolochica dicen “aragonés”.

Istas declaracions, amás, si “guarancian a totas as presonas”, parixe indicar que sacarán a territorialidat d’a lei d’o PSOE-CHA, cosa complicada de pensar, con a postura que o PP y o PAR han teniu contra a lechislación lingüistica en os zaguers anyos.

Si dixa esclatera a consellera, en linia con o suyo director cheneral de Cultura, Humberto Vadillo, que se diga como se diga a luenga, o que no se podra fer ye charrar-la con normalidat, ni plegar ta una normalizacion como a resta d’as luengas. Serrat refusó a normalización, que ta la consellera de Cultura ye “a obligatoriedat de que en totas as institucions aragoneses se obligase a charrar as tres luengas”, puestar trafucando “normalización” con “oficialidat”.

Fuente: www.arredol.com

1 comentario:

  1. Sencillamente, hoy estoy muy muy triste y lamentable por escuchar esta noticia... Satoshi TERAO Desde Osaka, Japon.

    ResponderEliminar