A partir d'o diya 19 de setiembre será en o rete iste meyo online en aragonés que pretende ufrir información cheneralista en ista luenga.
Un nuevo meyo de comunicación online ye a punto de salir a la carrera. Se tracta de arredol.com que achuga por a participación ciudadana, a creyación de contenius por parte d'os usuarios y a información cheneral centrada, especialment, en Aragón y con fuerte presencia d'as redoladas. Os impulsors d'a iniciativa pretenden aconseguir un meyo estable y sosteniu en o tiempo que premita a la sociedat aragonesa contar con unatra posibilidat mas de informar-se y participar en a creyación d'a información.
Pero la achuga mas important de Arredol ye a luenga. O nuevo prochecto será o primer meyo dichital d'información cheneral integrament en aragonés. Arredol quiere fer una apuesta por potenciar a comunicacion en aragones.
Como explica o periodista Jorge Romance, un d'ospartecipants en o prochecto, “la ideya ye creyar contenius en aragonés que premitan normalizar l’emplego d'ista luenga minorizata en dembas poco exploradas dica agora. O nuevo meyo contará con destacadas participacions de l'ambito d'a cultura, a tecnolochía y a politica y pretende tamién estar una canal ubierta t'a participación ciudadana. Ta ixo s'ubrirá a posibilidat de publicar noticias, fotos y textos d'os usuarios ta creyar una anviesta d'a realidat lo mas ampla posible.
Quieremos fer un medio de referencia, pero en aragones, que planteye atro paradigma socio-politico y cultural.
Trangos
-Fer un prochecto estable y ubierto a colaboracions
-Espardir a presencia de l’aragones en Internet
-Creyar una plataforma de noticias en una luenga ultraminorizata como l’aragones
-Creyar camins enta un nuevo modelo de medio de comunicacion en Aragon
-Dotar a la sociedat aragonesa d’unatra anviesta sobre a reyalidat sociopolitica d’o pais.
Prenemos a web 2.0 como alazet, una web que tamien creyen y modifiquen os usarios, ta creyar nuevos espacios ta compartir. Queremos fomentar l’autonomia d’os fablants de l’aragones y creyemos en a participacion ciudadana ta construyir una realidat mental esferent. Queremos construyir nuevos espacios ta l’aragones, en campos no guaire emplegaus, como as noticias, a tecnolochia, a realidat social.
Si queretz colaborar con nusatros, si yes periodista, u t’intresa a comunicacion en aragones, u as dos cosas a la vegada puetz meter-te en contacto con nusatros en o mail, info@arredol.com en ixe mail tamien mos podetz fer socherencias que creigatz d’intres."
Arredol naixerá o 19 de setiembre en a dirección http://www.arredol.com an que ya se pueden veyer qualques d'as linias prencipals d'o prochecto, colaborar economicament y veyer o logo y as linias graficas disenyatas por a creyadora Laira Gonzalo.
Ta saper-ne mas:
http://www.arredol.com, http://www.twitter.com/arredol y n'o correyo info@arredol.com
Fuente: www.arredol.com
No hay comentarios:
Publicar un comentario