L'ombre, igual como o resto de sers bibos d'iste planeta ha barruntato os intes cosmicos en que tot muda de costumbres. Os arbols de fuella caduca, os mosquitallos, as aus migradoras, os onsos , etc, conoxen o inte an que o sol s'amana to solstizio d'ibierno. Os aragoneses (como sers bibos que i son) s'ateclan ta pasar os diyas más curtos de l'añata. A tradizión nadalenca aragonesa tiene á embute de chicoz detalles, unos unibersals atros esclusibos que, como abitans d'iste mundo cal que conserbemos, esfruitemos y tresmitamos.
O esbazie d'os lugars, a calefazión zentral y o chonflo de royo son acotolando con os costumbres que han perbibiu entre nusatros d'antismás que os cristians. Ye una pena que nos dixemos engañiflar por quienes nos benden "el progreso" y "the american way of live".
A Tronca de Nabidá ye un icono que á pocas ye estau enronato en a memoria nuestra, pero que chino chano torna to puesto en que nunca no debió salir. Ligallo de Fablans de l'Aragonés leba añadas amostrando iste rito precristiano por toda la cheografía aragonesa y embitando á críos y adultos que o zilebren en casa suya ta que o costumbre torne to puesto que li corresponde: casa nuestra.
Ista añada, Fablans Zaragoza pondrá a Tronca de Nabidá en esferens puestos que iremos metendo astí seguntes baigamos afirmando. En a mida en que baigan salindo más, las ne iremos metendo.
(Autualizazión de 15 d'Abiento de 2010)
-29 d'Abiento, Miercols. Uesca 17:00 oras.
-30 d'Abiento, Chuebes. Rosales del Canal, Zaragoza.
-03 Chinero, Lunes. Feria de Monzón, con chuegos, maitins y tardis.
-17 d'Abiento, Biernes. Asoziazión cultural Nogará (Carrera Gavín, 6, local) á las 21:30 oras.
-22 d'Abiento, Miercols. Bar A Flama (Carrera Mayor, 53) á las 20:30 oras.
Sonia Gutierrez
Cordinadora d’autibidá
No hay comentarios:
Publicar un comentario