ENTREGA D'O PREMIO "ARNAL CAVERO 2011" TA O MILLOR LIBRO EN ARAGONÉS.

Aintro d'a Feria d'o Libro de Zaragoza que ye zilebrando-se istos días, iste biernes 8 de chunio a Consellera de Cultura d'o Gubierno d'Aragón ferá entrega, amás d'atros, d'o premio "Arnal Cavero 2011" ta o millor libro en aragonés, que iste año s'ha conzediu á Óscar Latas por a suya obra Chuecos florals; o churato l'ha triato por "a bariedá d'estilos, rechistros e temas que s'achuntan en una obra narratiba de gran sensibilidá e modernidá, d'o parodico e a riqueza de matizes contribuyen á trabillar una obra fresca e orichinal".

L'auto se ferá en o edifizio de Capitanía (Pza. Aragón), dende as 8 d'a tardi.

www.feriadellibrodezaragoza.com

---------------------------------------------------------------------------

Óscar Latas Alegre (Samianigo, 1968). Diplomato en Machisterio e lizenziato en Cheografía e Istoria por a Unibersidá de Zaragoza, ye, en l’autualidá, teunico de Cultura d’a Comarca Alto Galligo. Miembro de bellas asoziazions culturals, como o Consello d’a Fabla Aragonesa, Rolde de Estudios Aragoneses u Amigos de Serrablo, ye escritor e imbestigador de l’aragonés.
Como imbestigador, ha trabillato libros d’a suya comarca natal pirenenca, como Los orígenes de Sabiñánigo (1893-1932) (1996), Guía del Museo Angel Orensanz y Artes de Serrablo (1998), Guía turistica de Serrablo (1999) u Foratata. Antolochía de testos en aragonés de l'Alto Galligo (con F. Nagore, 2007). Tamién ye autor de treballos sopre a istoriografía de l’aragonés, como Misión lingüística en el Alto Aragón de Jean-Joseph Saroïhandy (2005), Modismos dialectales de Calatayud de Juan Blas y Ubide (2007) u Informes sobre el aragonés y el catalán de Aragón de Jean-Joseph Saroïhandy (1898-1916) (2009).
Como escritor, ye autor de bels poemarios premiatos, como Berari (2003), Sísolas (2004), Ortensia de Chudas (2004), Postaletas (2011) e Ya s’ha dispertato Guara (2011), d’a nobela curta Pétalos de febrero en Bordeus (2007) e d’atros relatos curtos como Ablandindo gotez de soledá (2008) u L’ombre choto de Sobrarbe (2009).

Fuente: Chuanchu Pérez Aragües (Coordinador de Animazión e Autibidaz), www.centrodellibrodearagon.es y Redazion d'o blog