Queremos celebrar o día
internacional d'a luenga materna levando o software en aragonés enta l'ambito
d'os mobils. A que hetz sentiu charrar d'o Telegram, l'alternativa a o
Whatsapp? Agora lo podetz tener en aragonés! Por agora, nomás ta Android.
Lo podetz instalar aquí:
Tenetz toda a información aquí:
Paratz cuenta que si ya lo fetz
servir en atro idioma, l'habretz de desinstalar, y dimpués instalar-lo dende a
nuestra web Toda
a vuestra información y os contactos seguirán astí, pero lo tendretz en
aragonés.
http://www.softaragones.org/descargas/Telegram-an.apk
Quedamos a la vuestra disposición
pa qualsiquier dubda.
Feliz día d'a luenga materna!
-----------------------------------------------------------------------------------------
Telegram Messenger ye una aplicación mobil de mensachería. Antiparte de ninviar mensaches entre usuarios, permite de creyar collas de conversa de dica 200 personas, compartir videos de dica 1GB, ninviar imachens y reninviar a l'inte qualsequier fichero multimedia que recibas. Totz os mensaches son alzaus en a boira, o que permite acceder a ells dende diferents dispositivos. Telegram incorpora un zifrau de mobil-ta-mobil, y permite as conversas secretas, que no s'almagazenan en os servidors de Telegram, y mesmo se pueden programar ta que s'autodestruigan en totz os dispositivos.
-----------------------------------------------------------------------------------------
Softaragonés ye una organización sin animo de lucro que mira de fomentar l'emplego de l'aragonés en internet y as nuevas tecnolochías. A suya actividat mas important ye a localización de software, ye decir, a traducción y adaptación de programas informaticos ta que se puedan usar en aragonés, y se pueda emplegar en ellos a luenga aragonesa con total funcionalidat.
Puedes seguir-los en a suya pachina web, en iste wiki, y a traviés d'os retz socials, seguindo-los en twitter u en Facebook.
Ta contactar con ers u si t'aganaría de colaborar, puedes fer-lo a traviés de totz ixos medios, y tamién ninviando un mensache ta softaragones@googlegroups.com.
Fuente: Facebook de Softaragones y http://wiki.softaragones.org
No hay comentarios:
Publicar un comentario