"A nuestra canta en aragonés" ye un prochecto, de Nogará, Magofermin-culturalibre y d’o Colectivo de creadores irreverentes, que mira de empentar a creyación de mosica en luenga aragonesa, sin interés de lucro, nomás con a intención de fer vistera la luenga en a mosica aragonesa d'a mena que sía.
A luenga ye un meyo y, prou que sí tamién una fin, con isto a chent de "A nuestra canta en aragonés" quieren fer viyer l'aragonés como una ferramienta mas aintro d'a creyación artistica.
Dar un empentón a collas que nunca no han visto en l'aragonés cosa vistera, y se animen a fer parte de iste prochecto.
Os obchetivos de "a nuestra canta en aragonés" son:
-Fer un aplego de cantas en luenga aragonesa de collas mosicals, que no han feito cosa en ista luenga y as que sí, ubierto ta todas.
-Promoción y visibilización d'a luenga aragonesa, mas que mas en sectors, dica agora allenos.
-Promoción d'as cantas d'as collas que i han feito parti.
-Normalizacion d'a luenga en l'ambito mosical, y desvincular-la de estilos concretos.
-Trucar o ficacio en o panorama mosical d'a posibilidat de fer cantas en aragonés.
-Posibilidat de levar l'aplego a formato CD, si se dan as condicions que s'amenistan ta iste afer.
Os autors que empentan iste prochecto tos quieren animar a fer os vuestros treballos en ista luenga nuestra menazada, y dende allí se tos ufrirá una aduya lingüistica ta desembolicar as cantas, ya sía traducción u nomás dandalos.
Podetz trobar-los en:
Fuente: www.anuestracantaenaragones.com
No hay comentarios:
Publicar un comentario