RUFIERTA ARAGONESA EN A TABIERNA D'O BICO - AVIENTO'13

Ola a totz y a todas.

Ista vegada bi ha una novedat en a nuestra rufierta, y ye que a semana venient viene un puent d'ixos que tanto goi nos fa. Ya sabetz que o viernes ya ye fiesta, asinas que muita chent aproveitará ta marchar de viache o chueves d'antis. Ye per ixo que la abanzamos y la feremos o miercols día 4 d'aviento, ixo sí, a la mesma hora, ye decir, de 19:30 a 21:00 (hora zulú, que siempre he quiesto decir ixo y mai he puesto... mira-te que sona maho y pincho... pero ixo vale només que ta os zulús, que os masai y os cafres son como os canarios, con una hora menos), y tamién en o puesto de siempre, o bar Somport (García Sánchez, 34), que nos conoicen y nos convidan a unas olivetas de gratis a cambio d'as bieras que nos fotemos.

O caso ye que ya no m'alcuerdo per qué la abanzamos... ah, sí...! perque celebramos o día d'a Constitución Aragonesa, a Carta Maña que dicen en Madrit. Ixe día tamién se fa chornada de de puertas bataleras en as Cortes d'Aragón y puetz ir-ie a veyer a os payasos, as focas y os dinosaurios...només se diferencia d'un circo en que os malabaristas y os equilibristas(que malabars, equilibrios y pintacodas hemos de fer ta vivir) en semos difuera y nos veyemos privaus d'o pobre espectaclo que nos dan...

Bueno, que m'escalfo a boca y dimpués pasa o que pasa y digo o que digo. No tos n'ixuplidetz que ye un día antis. No i manquetz.

Ta saper-ne mas puncha aqui: RUFIERTA ARAGONESA N'A TABIERNA D'O BICO

Fuente: www.facebook.com de Anchels F. C.

No hay comentarios:

Publicar un comentario