Ya tenén es diyas que se proyetarán es curtos del “II Certamen Encuentro de Escolares” del Festival de cine de Zaragoza. Si tos alcordaz, l’año zaguer von quedar finalistas con “La cursa del submarino” del cole de San chuan. Van a fer dos sesions, una el viernes 15 y atra el sabado 16 de noviembre. Es nuestros curtos, es de las escuelas de Bielsa, Laspuña y Saravillo, se verán el sabado de maitins a partir de las 11:30 AM en el Centro Cívico Teodoro Sánchez Punter. A viyer si i hai suerte, anque lo més important ya’l tenén: fer visible el troballo de clase tan bien feto d’es nuestros borches en una escuela rural.
Toz es curtos finalistas recibirán un diploma acreditativo, asinas que si toz animaz belún a pasazos per Zaragoza, podrían pasar a replegarlos es borches ta que les den abundantes aplausos.
Entremistanto allega estas nuevas tan buenas, contino troballando en rematar es atros 5 curtos que tenén pendients ta poder fer estreno dinantes de Navidat. El de Chistén ya ye al cayer, y el de Plan, el tiengo a bueno. Me quedan es de San Chuan, que como no espabile, ¡me sacan del lugar!
Fuente: http://aclica.wordpress.com/
No hay comentarios:
Publicar un comentario