LINGÜISTICA DIATOPICA DE L’ALTO ARAGÓN DE FRANCHO NAGORE LAÍN

Fa uns poquez días que ye publicato "Lingüistica diatopica de l'Alto Aragón" de Francho Nagore Laín, que fa o lumero 8 d'a colezión "A tefla de cuatro fuellas". Un treballo de más de 400 planas que estudia l'aragonés de tot o dominio lingüistico fendo un repaso prou completo d’as diferens baredaz dialeutals de l’aragonés con as suyas carauteristicas más importans, tanto en aspeutos foneticos como morfolochicos u lesicos, e o refirme de testos feitos por fablans patrimonials en diferens añadas. Tamién tien arredol de 60 mapas que mos amuestran os puestos d’as diferens formas lesicas, asinas como una ampla bibliografía de estudios e treballos en as diferens bariedaz.

"Lingüistica diatopica de l'Alto Aragón" ye publicato por o Consello d'a Fabla Aragonesa, con a colaborazión d’o Instituto de Estudios Altoaragoneses e d’o Grupo de Investigación Emergente de Filología Aragonesa, aintro d’a colezión "A tefla de cuatro fuellas"

Un obra fundamental e sobrebuena que fa buena onra a o estudio d'os dialeutos d'a nuestra luenga!!!

Antonio Brosed,
Redazión d'o blog

------------------------------------------
"A tefla de cuatro fuellas"  ye una colezión d'ensayos, estudios, rechiras e obras d'espardidura arredol d’a luenga aragonesa. Atros libros d'ista colezión son: “Sobre fonética histórica del aragonés” de Jesús Vázquez Obrador, “El aragonés hoy. Informe sobre la situación actual de la lengua aragonesa” de Francho Nagore e Chesús Gimeno Vallés, “Claroscuros” de Ignacio Almudévar Zamora, “La nueva poesía en aragonés: ensayos y críticas” de Ángel Crespo, “Replega de tradizión oral en Salas Altas” de Paz Ríos Nasarre y Alberto Bolsa Puyuelo, “Rezetas familiars aragonesas” de Amalia Baqué Ximénez e María Amalia Mainé Baqué, “Foratata : Antolochía de testos en aragonés de l'Alto Galligo” de Oscar Latas e Francho Nagore.

1 comentario:

  1. Un libro muy importante este. Muy recomendable como complemento / profundización, de la Gramática de la lengua aragones de Mira Editorial.

    ResponderEliminar