RUFIERTA ARAGONESA EN A TABIERNA D'O BICO - SETIEMBRE'12

Quiestos amigos y companyers (y amigas y companyeras, que a susceptibilidat va que vuela en iste mundo nuestro de l'aragones)

Veyeretz que qui vos convida a la rufierta no ye Chesús. No ye que s'haiga cansau de fablar, no, que cuerda tien ta rato. (y que Dios li'n conserve, que falta chen como el), pero precisa un relevo, prou que si. A partir d'agora vos convidaré yo, MªAnchels. Muitos de vusatros ya me conoixetz, y os que no, pos ixo, que i viengatz y ya nos conoixeremos....O que menos importa
ye qui convide, o que cal ye venir-ie, u no?

O caso ye que que ya plega setiembre, y ixo ya prencipia a estar a puerta de l'hibierno. Una noticia prou dolenta ta os que tenemos un cuerpo espectacular,, que bien luego lo habremos a tapar con ropa a embute y una buena noticia ta os que tienen lorcetas en a pancha, que tamién las podrán amagar bien luego debaixo d'un amiro de tricotz y gambetos.

O caso ye que ya se nos va l'estiu. Muitos de vusatros habretz pecau, per acción u omisión (que ya tiene narices ixo de pecar per omisión. A unica traza de pecar per omisión ye no pecar podendo fer-lo. Istos mosens.....) Bueno, que habretz pecau, y bien que habretz feito. Y quanto mes hagarz pecau, mes bien habretz feito. Ye platero que ixo tien un costau no tant bueno, y ye que cal confesar-se, pero no con os mosens, no, que ixos te clavan dotze pai de nusatros y quatre avemarías y ya yes presto ta tornar a pecar. No, cal confesar-se en a tabierna d'o bico, racontando de punta ta coda totz os vuestros pecaus, quán, cómo u con quí hetz pecau. Mosen Chesús y o suyo escolano, Feli, quieren saber-ne totz os detalles. Asinas que ya sabetz, tot bien apuntadet ta o primer chueves d'o mes venient, 6 de setiembre, a las 19:30 en o bar Somport, que ya sabetz que ye en a carrera García Sánchez, 34. No i manquetz u a venient vegada vos preguntarán o catecismo.

Amén y dica ixe chueves.


Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Chesús L. D.

No hay comentarios:

Publicar un comentario