RUFIERTA ARAGONESA EN A TABIERNA D'O BICO - SETIEMBRE'13

Buen día a totz y a todas

Con o cuerpo ya meyo blanco u, en o millor d'os casos, d'ixa color macilenta meyo amarillenca que nos queda cuan se'n va o moreno que hemos pillau d'estiu en a placha, ixuplidadas ya as fizaduras d'as medusas, feita convenientment a dichestión d'as fartallas que nos hemos fotiu de minchar como si nos hemos meso en o cuerpo, només nos queda que tirar a uellada entabant y alufrar con pacencia tot o fredo que hemos a pasar iste hibierno, tot o que nos queda per traballar, as plevias que nos remerarán chupindo-nos per difuera tot o que nos hemos chupiu antis per adintro.... Tornaremos a ir con as mans en a pocha, pero ista vegada no per o frío, no, sino ta que os politicos no nos furten as poquetas perras que nos quedan. Menos mal que nos quedan as rufiertas, que si no...

Ye per ixo que tos convoco a la primera d'o curso, que será o venient chueves día 5 de Setiembre, en o puesto de siempre, bar Somport, que ye en a carrera García Sánchez, 34, y a la mesma hora de siempre, ye dicir, de 19:30 dica las 21:00, y qui en quiera mes, pues mes...

No i manquetz, que si encara fa calor nos foteremos unas bieras, y si no, unos lumumbas d'ixos tant ricos.

Salut

Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Anchels F. C.