RUFIERTA ARAGONESA N´A TABIERNA D´O BICO - CHUNIO'11

Ola a toz y a todas atra vegada.

Como bien podrez beyer, ya son plegadas as calors que mesmo l'alma se mos regala con a sudor, y a bista tamién mos se regala tot beyendo os cuerpos meyo espullaus que nos amuestran as carnes que mientres tot l'ibierno son estadas amagadas per culpa d'o fredo. Biba l'estiu y a carne libre!!!

O caso ye que, ta pribar-nos en bella mida d'ixa calorina, nos podérbanos trobar como femos per un regular, o ... benient chuebes día 2 de chunio, a las 19:30 y dica las 21:00, alto u baxo y como de costumbre, en a tabierna d'o bico Bar Somport, en a carrera García Sánchez 34, ta mirar-nos (només que a os güellos, que a carne ye fluxa...) y fablar de tot una miqueta.

Ista begada lo tenemos prou fázil. Con foter a pingar a toz os politicos que no han dau a talla en istas esleuzions, ya tenemos a rufierta feita. De bez, tamién podemos foter a caldo a toz os que sí que han dau a talla, asinas dengún se queda sin o suyo repaso, que a imbidia ye malisma...
Bueno, o dito, que allí nos beyemos. Només cal que faigaz memoria que ez de benir-ie toz y todas con a ropa que ye propia de l'estiu, que ya nos merexemos una alegría.

Esprisions.

Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Chesús L. D.

No hay comentarios:

Publicar un comentario