Quiestos totz y quiestas todas.
Ya habretz parau cuenta que ista convocatoria vos plega con retraso. Ye perque o primer chueves de mai ye o Día Internacional d'o Treballo que, como ye natural, se celebra sin treballar. Pos si ye asinas, millor que no faigan o día internacional d'a biera, u d'a virolla, no siga caso que lo celebren d'a mesma traza, u no?
Bueno, o caso ye que ya acucuta l'estiu. Os primers royos de sol nos foten dreito en o tozuelo y as tronadas y ruxiadas nos pillan espisguardaus y nos deixan con una cara de fatos que pa qué.... A qüestion ye que a chent ha prencipiau a operación bikini y marchant t'o chimnasio ta tener un cuerpo bien pincho, poliu y escoscau quan plegue o verano de verdat y se metan baixo o rustil d'o sol amostrando tableta de chocolate y musclos inospeitaus. O que yo digo ye que a la que li cal una buena operación bikini ye a la luenga (a l'organo fisico, no a l'idioma, que tamién, pero ye atra historia d'a que ya en fablaremos), que cal entrenar-la y avezar-la en o dominio de l'arte d'a oratoria, que dimpués te'n vas t'a placha, te trobas con bel extranchero u qualque extranchera, no sabes qué decir-le y se te queda a mesma cara que con as ruixadas primaverals...a que tengo razón?
Bueno, pos pa entrenar-la podetz empecipiar venindo o venient chueves, 8 de Mai (que ye o segundo d'o mes, pero fa as veces de primero) a o bar Somport, que ye en a carrera García Sánchez 34 (ya sabetz a on), a la hora que tamién sabetz, ye decir, de 19:30 a 21:00, con ocasión d'a nuestra rufierta mensual, a mirar si metemos a luenga en forma. Yo fablaré de suecos y suecas, que ixa chent tant alta y roya son bien exoticos.
No i manquetz u vos lo perderetz
Ta saper-ne mas puncha aqui: RUFIERTA ARAGONESA N'A TABIERNA D'O BICO
Fuente: www.facebook.com de Anchels F. C.
No hay comentarios:
Publicar un comentario