CHARRADA DE ROBERTO SERRANO

Ligallo de Fablans de Zaragoza contina zelebrando as trenta añadas de a suya creyazión, aora con un ziclo de charradas de miembros y ecsmiembros de Fablans que nos rezentarán qué fan por l’aragonés difuera de Fablans.

Aintro de Fablans perén han habiu personas con basemias arredol de a lengua aragonesa y as trazas d’achuntar a cultura popular con a modernidá de o sieglo XX. L’inte istorico de a creyazión de Ligallo de Fablans de l'Aragonés, dimpués d’establir-se a democrazia y a nesezidá ziudadana de compartir y colaborar en proyeutos sozials aduyó á que muitos sozios con esferens cualidaz artisticas y teunolochicas creyasen binclos con fruitos sobrebuenos.

Sin dembargo, Fablans no aconsiguió arroclar toda la enerchía d’istos chobens, bien porque no bi eba espazio ta más autibidaz u porque as endrezaras profesionals suyas los han enfilau á continar con lo que enzetón astí.

En iste ziclo de charradas, que durará dica chunio, queremos amostrar á la soziedá la balura personal y profesional de buena cosa de sozios que han siu capables de poner á Fablans en a banguardia de lo popular. Ista parti ya la i conoxemos. Aora queremos saper qué han feito los que han pasau u siguen estando en Fablans difuera de o marco asoziatibo en a suya bida pribata u profesional arredol de a lengua y a cultura en aragonés. Ligallers ilustres que han continato con a mesma basemia, pero por cuenta suya.

O benién sabado 16 de marzo, Roberto Serrano enzetará iste ziclo en o Zentro Zebico Salvador Allende (Matadero) en c/ Florentino Ballesteros 8 á las 19:30

Roberto Serrano, chunto con Elena Requejo son fundadors de Ligallo de Fablans de l'Aragonés en 1982 y de La Orquestina del Fabirol, colla con a que han espardiu a lengua aragonesa d’una traza artistica. 

http://an.wikipedia.org/wiki/Roberto_Serrano

Aprobeitaremos l’auto ta fer memoria de Francho Tierra que prezisamén colaboró en o DP de La Orquestina Me’n baxé ta tierra plana (1994) con o charrazo de a orazión.

Ta enamplar informazión
Chan Baos, 692 637 391

2 comentarios:

  1. Tien articlo en a biquipedia en aragonés (nomás cal cambiar es por an). Por qué no lo metez? o binclo en castellano ye una traduzión de l'orichinal en aragonés sin foto ni tabla de datos. Amás se puede ixamplar con mas datos d'os que metez.

    ResponderEliminar
  2. No eba parau cuenta que l'eba meso malamen. Como lo foi en aragonés y en castellán a la fin he equivocau l'enristre.

    Ya ye cambeau. Muitas grazias.

    ResponderEliminar