Ligallo de Fablans de Zaragoza fa entrega de l’archibo istorico suyo á l’Archibo Istorico Probinzial de Zaragoza.
O pasato 25 de febrero se fizo entrega en o Archibo Istorico Probinzial de Zaragoza por parti de l’asoziazión cultural Ligallo de Fablans de Zaragoza de a decumentazión de Ligallo de Fablans de l'Aragonés, dende a suya creyazión en 1982 dica 2007.
En a decumentazión se troban materials chenerato por as esferens collas de treballo y o proyeuto subenzionato por Europa d’educazión de cultura aragonesa ta adultos Nabata, en as añadas 1999-2001.
As normas de consulta de l’Archibo pueden consultar-se en a web de o Gubierno d’Aragón.
O Gubierno d’Aragón conserba en as siedes probinzials un amplo deposito de decumentazión d’esferens entidaz como CREFCO, Archibo fotografico de Coine, Escuela d’Arte de Zaragoza, Chustizia d’Aragón (1418-1540)… l’archibo de Fablans será en a sezión 2.3. Archivos de Asociaciones y Fundaciones que s’alzará en l’antiga Unibersidá laboral. 
Os fundos nuestros han siu organizatos seguntes os criterios archibisticos por a sozia lizenziata en Biblioteconomía y Decumentazión Liena Palazios, que dimpués d’un treballo zentifico ha dixato los decumentos en caxas archibadoras ta que os rechiradors sepan trobar a informazión con más fazilidá. A intinzión d’ista organizazión ye la de preserbar l’archibo chunto y en buenas condizions de conserbazión, compartir con a resta de a soziedá ta que en bel inte pueda balurar-se de traza dinna o treballo d’una parti de a soziedá aragonesa que en aquels intes dezidión enzetar un camín que güe dura ya trenta añadas.
Con o tiempo, prebaremos de partizipar en DARA (Documentos y Archivos de Aragón) y podrán consultar-se oes decumentos dende internet, pero caldrá asperar una mica.
Ta enamplar informazión:
No hay comentarios:
Publicar un comentario