I CONCURSO DE CUENTEZ Y FALORDIETAS TA NINOS Y NINAS "ARAESCUELA"

O presén concurso de cuentez y falordietas ta niños y ninas ‘Araescuela’ tiene como finalidat promocionar o emplego de l’aragonés entre escolanos de 6 ta 12 añadas.

As obras presentatas han d’estar escritas en aragonés, estar inéditas, tener una estensión de 2 a 6 pachinas en o suyo formato (man u ordinador, prosa, poesía, cómic….), y en cheneral, cumplir as bases d’a convocatoria adchunta.

O plazo de presentación remata o primer de chunio.

Se entragarán os beniens premios: 

A)     A l’autor d’a millor obra se le darán 2 entradas t’o parque acuatico Port Aventura Aquatic Park. 

B)      A l’autor d’a segunda millor obra se le darán dos entradas t’o Parque d’Atrazions de Zaragoza. 

C)      Si a partizipazión ye prou, se considerará a entrega d’un terzer premio. 

D)     Se dará un chicot regalo sorpresa a la escuela con más gran partizipazión.

Asoziazión Cultural O Trango
C./ Blanco Cordero, nº 13, 4º cucha. C.P. 5002. Zaragoza

Tel.: 651115755
Facebook: “O Trango”
Tuenti “O Trango”

Fuente: Facebook de Iris L.B.

8 comentarios:

  1. "Falordieta" u "falordia" no significa cuento en aragonés, si no 'cuento chino', 'historieta sin sentido', 'chismorreo', 'chascarrillo'. Ye una de las entivocacions que a vegadas s'ha feito en aragonés común per ampliar semanticament voces aragonesas y dar-lis un nuevo significau que lo que fa ye empobrecer l'idioma de matices. Ex.: Ixo son falordias ('eso son tonterias'), en catalán d'Aragón y de Valencia tamién existe ista parola con este sentiu, y como sinonimo de l'aragonesa se diz "això són falòrdies / falòries o romanços". Sería convenient ir eliminando istes mals emplegos en aragonés. Ye una recomendacion feita con espiritu positivo, que conste. De tota manera parabiens per la iniciativa y enta debant con proyectos integradors y ubiertos a toz. Asinas ye como cal treballar.
    Lluís-Xavier

    ResponderEliminar
    Respuestas
    1. No fa falta estar tan tiquis-miquis, en o cartel ya lo mete, cuentez, y falordietas. Antimas . ¿ cuantos cuentos s'an feito d'as falordias...? biba l'aragones. SALÙ.

      Eliminar
    2. No ye estar niquitoso, ye respectar a luenga. Si queremos que l'aragonés viva, y con salut, ye menister que lo charremos bien.

      Eliminar
    3. Efeutibamén Lluís-Xavier, por ixo mesmo s'ha meso "Cuentez y falordietas". Si s'ese quiesto fer una sinonimia entre cuentet y falordieta, allora sí que ese abiu una error. Pero prou que s'ha parau cuenta d'a distinzión y s'ha meso porque tamién ye un concurso de falordias!

      A plantar firme!

      Marco

      Eliminar
    4. Antiparti d'o que te diz Choben, antis de permitir-te correchir o que ye bien, mira-te una mica a tuya luenga, ya que como bien dices "ye menister que la charremos bien":

      *De tota manera. A consevación d'a sorda intervocalica en ixe femenino no ye cheneral en o dominio de l'aragonés. Se rechistra en Bielsa y, dica yo sé, cabo ta cuan en o chistavín y puestos d'a Val de Benás. CON TOT Y CON IXO, ye un calco d'a traza castellana...

      Peror tot isto dende una anviesta positiva, profés!

      Eliminar
  2. Ola Lluis-Xavier.

    Nusatros, Fablans, nomás femos que ficar a notizia en o nuestro blog, anque muitas grazias por esplicar o significau d'a parola.

    Esprisions.

    Antonio Brosed,
    Redazión d'o blog

    ResponderEliminar
    Respuestas
    1. Sobrebuena iniziativa, refirmando a los fablans más chicotz ta guaranzar a supervivencia d'a luenga. Muito bien!

      Eliminar
  3. A la fin, si cal charrar "bien" (¿y qui charra "bien"?, os pontifizes y os superiors, claro...)no charraremos dengún porque tendremos miedo de fer-lo. Ixo ya lo saben prou en Catalunya y no dio resultau. Cal CHARRAR, y prou. Cadaguno charra como sabe u le peta, y dengún no tien dreito a pontificar u a insistir en cada cosa que se diz "mal". Se puede correchir, y de feito CAL fer-lo a begadas, pero con muitismno tiento y con muitisma umildá, cosa que muito a ormino no pasa. Y s'ha de parar muita cuenta en as formas cuan "se corriche" y no fer-lo de contino. Lo que sí puede malmeter a luenga ye que a chen creiga que no sabe "charrar bien" y no lo faiga. A DENGÚN no le cuaca estar correchito si no se fa con muitisma umildá, y a la fin cadaguno tiene dreito a charrar y escribir como quiera. A chen, por un regular, ya preba de millorar, y cal informar, pero si no "s'informa" de buenas trazas (y por supuesto, no a cada inte) no femos dengún bien en o tema que nos ocupa.

    ResponderEliminar