RUFIERTA ARAGONESA N'A TABIERNA D'O BICO - MARZO'13

Quiestos amigos y amigas
 

Si devantatz a nariz y prenetz una miqueta d'aire, podretz comprebar que ya se puet ulorar a primavera, pero, con tot y con ixo, encara ye fotendo un fredo per a carrera que yo no sé a vusatros, pero a yo me da per pensar en a buena vida que levan os onsos, que malas que prencipia a refrescar se fican en a suya onsera y ya no los veyemos dica que un rayet de sol lis pega en o morro... Ya, puestar que siga filosofía barata, pero qué queretz? A yo o fredo me pega en o celebro, me lo chela y no me deixa pensar que en sanseladas y chuflainas. No ye que quan plegal'estiu siga guaire mes fundo de pensamiento, pero a lo menos son sanseladas y chuflainas en manga curta.
 

O caso ye que plega o mes de marzo con o suyo primer chueves que, curiosament, no caye en 5 ta fernos a tana. Asinas que me s'acude que no bi ha millor manera ta concarar o fredo que ficar-nos en a nuestra tabierna, foter-nos unos whiskys, unas bieras u unas auguas y soltar as luengas dica pillar un capazo d'ixos que fan historia.
 

Con ixa enchaquia vos convoco ta o venient chueves, 7 de marzo, a las 19:30, en o bar Somport, que ya sabetz que ye en a carrera García Sánchez, 34. Ye dificil d'olvidar perque malas que empecipias a caminar os pasos ya te bi endrezan. Os que no i sotz venius guaire (u pon) prebatz-lo y ya veyeretz que ye verdat.

 No i manquetz, que vos aguardamos.

Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Anchels F. C.