Ya semos en o mes de diziembre y, como toz os años, tenemos cualques autibidaz ta istas calendatas.
O sabado 15 mos achuntaremos en a nuestra siede ta zenar toz chuntos y deseyar-mos unas goyosas fiestas y un sobrebueno año nuebo.
Prenzipiaremos á ixo d'as 9, metendo-ie en común o que cadagún i lebemos
ta zenar, pero
prebaremos d'estar-ie belún dende, alto u baxo, as 8 d'a tardi por si
querez amanar-tos-ne antis... Y si encara no'n tenez, será a buestra
zaguer oportunidá de mercar boletos de lotería t'o sorteu d'o día 22.
Bueno,
y ta remate, que sepaz que encara semos en combersas t'achustar barias
troncas por esferens lugars y ziudaz d'Aragón. Ya tos informaremos d'as
calendatas y puestos concretos, pero ta ir enantando tos podemos
confirmar as que tenemos de seguras:
- Biernes 21 de diziembre: Escuela de Roseras d'a Canal
- Sabado 22 de diziembre: Escuela de Bal d'Espartera
Como siempre, soz combidaus y combidadas á partizipar-ie fendo-mos una man y á lebar-ie á buestros críos, sobrinos, nietos...
Esprisions y dica luego!!!
Chuanchu Pérez,
Cordinador d'Animazión y Autibidaz
No hay comentarios:
Publicar un comentario