RUFIERTA ARAGONESA N'A TABIERNA D'O BICO - CHINERO'12

Buen día a toz y a todas:

Rediós qué fartera, mesaches! Ya se diz bien, ya que isto de o Nadal ye o paradiso d'os lamineros... Levo a pancha de turrons, marzapans y guirlache que no sé án boi a ficar o baso d'augua que m'he de foter cada día por prescrizión d'o medico, q ...ue ya li bale, ya, rezetar augua en Nabidá... Mal no li s'aiga embozau o garganchón con as ugas! O caso ye que soi farto, igual como busatros, que no me creigo que sigaz estaus buenos y bos aigaz comportau con moderazión y frugalidá... que ya nos conoxemos! O pior de tot ye que encara queda San Antón y San Balero, que nos emos de minchar meyo tozino y un roscón bien farziu de pinta cadagún... Ya feremos dieta ta San Balentín (Valentín Cazaña tiene bula y podrá cometer bel eszeso, que pa eso ye o suyo día).

A lo que íbanos... que como que o nuestro día cutiano ye fiesta, que biene Iñaki Urdanga... perdón, que bienen os Reis, pues que tresladamos a nuestra rufierta a o Chuebes 12 de Chinero, en o mesmo puesto, o Bar Somport, que ye en a carrera García Sánchez... no me remero d'o numero, pero os abituals ya sabez án ye, y os que no, pos una begada en a carrera iz mirando-bos ta un costau y ta l'atro dica que lo trobez... y a la mesma ora de siempre, a las 19:30 y dica as 21:00, alto u baxo como siempre. Y como parix que ista anyada a l'aragonés li han trayiu carbón, pos nusatros terne que terne y capezutos más que nunca...

Salut y dica ixe día. No i manquez.

Ta saper-ne mas puncha aqui: RUFIERTA ARAGONESA N'A TABIERNA D'O BICO

Fuente: Facebook de Chesús L. D.

1 comentario: