La zaragozana Lucía López Marco ha sido la ganadora del XVII concurso de
coplas en aragonés que organiza el Ayuntamiento de Zaragoza con Fillo D'as Estrelas. El segundo premio ha recaído en Fernando Romanos, de Chistén (Huesca), con Tafaniando de diaplerons.
Título: FILLO D'AS ESTRELAS
Autor: Lucía López Marco
Autor: Lucía López Marco
Cuántas coplas cullirán
en o morral d'o pastor
que en os diyas de verano
camina baixo lo sol.
Cuántos suenios apedecaus
baixo as piedras de l'agüerro
cuántas remeranzas tristas
conchela a nieu de l'hibierno.
Fillo d'as estrelas ye
o pastor cuan pastorea
a él se lo miran os astros
él cosira a las ovellas.
L'unica patria que troba
ye o fumo d'as chamineras
que viellas falordias conta
en as nueis calients u fredas.
Por as sendas y por monts
él va esfendendo ista tierra
y con cada trango suyo
a biodiversidat empenta.
As suyas parolas son
as simients d'un mundo nuevo
simients d'as que ha de brotar
o nuestro esdevenidero.
Si disparixe o pastor
morirán istas montanyas
y en silencio con os arbres
morirá la nuestra fabla.
No quiero que disparixcan
flora y fauna en istas selvas
por ixo digo que entalto
a causa agroganadera.
Segundo premio:
Título: TAFANIANDO DE DIAPLERONS
Autor: Fernando Romanos
Autor: Fernando Romanos
En boscaches y en montanyas
en badinas y en basons
cacegaus per as feixanas
van dondiando os diaplerons
puyan per as chumineras
baixan per es fogarils
fan cruixir as comineras
deixen pels en os branquils
si nunca un borche plora
sin deixar de chemecar
a mai crey que a tafora
ya no se podrá acabar
han deixau pels y borreta
amagaus en o barzol
u talment en a faixeta
u en un canto d'o chambrol
si se siente una tabola
sin trobar explicación
u sin aire sona a tola
allí son os diaplerons
a nueit se fa larguiza
enfongaus en l´ixargón
asperando con langaria
que de maitins salga o sol
Fuente: www.zaragoza.es y www.elperiodicodearagon.com
No hay comentarios:
Publicar un comentario