XV BORINA POR L'ARAGONÉS

XV Borina por l'aragonés, lengua aragonesa, fabla aragonesa, idioma aragonésO benién sabado 13 d'abril imos á zilebrar a XV Borina por l'aragonés, de conchunta con Nogará como femos toz os años. Ista begada o puesto de zilebrazión será a Peña Pa'cutio en L'Almozara (Carrera Íxar, 10).

Como nobedá, ista añada, mos achuntaremos dende alto u baxo as 2 d'a tardi y bi feremos una chenta de chirmandá, con unas subrebuenas migas y buen ambién. Dimpués, tendremos campionatos de guiñote y de futbolín, por parellas.

Ya de tardis, dende as 6 u asinas, i tañerán barias collas de mosica folk y aragonesa dica la nuei, en que feremos entrepans ta zenar y chugaremos o tradizional bingo.

Alto u baxo, anque mas baxo que alto, iste ye o programa:
-14:00, Chenta popular.
-16:00, Campionatos de guiñote y futbolín por parellas.
-18:00, Conziertos y animazión con: 
         Carmen Orte y Eugenio Arnao: Omenache a Lorca.
         Chusebinos: bailes tradizionals d'o país.
         Majama: mosica folk y esperimental, y ritmos d'Orien meyo
         Joven Pachanga: mezclallo de mosica tradizional d'Aragón con percusión de tot lo mundo.
 
Si querez aduyar-mos, mos ferá muito goyo que i baigaz dende as 12 d'o maitín ta parar a chenta, y en cualsiquier caso asperamos contar con a buestra presenzia y espardidura d'iste ebento dentre as buestras amistanzas y conoxenzias.
 
Antimás bi abrá puestos d'asoziazions y muitas sorpresas!!!
 
Animar-tos-ie, y veniz-tos-ne a refirmar l'aragonés!

Organizan: Nogará-Religada y Ligallo de Fablans de l'Aragonés

Fuente: Ebento de Facebook y Redazión d'o blog.

1 comentario:

  1. Bien por Fablans y Nogará por ista XV Borina, amostrando que se puede fer muitas cosas de conchunta en istos tiempos en que beluns quieren que l'aragonés siga un campo de minas.

    ResponderEliminar