RUFIERTA ARAGONESA EN A TABIERNA D'O BICO - OCTUBRE'14

Ola chent

Mira-te tu que ye mala cosa isto d'o clima en Zaragoza. A mesma nueit que plega l'agüerro, manteta en o leito y a tremolar de fredo, que pareix que haigan pactau l'agüerro y l'hibierno tal constipar a la chen antis d'hora...u no?

Bueno, o caso ye que ye plegau octubre, tal bien u ta mal. Iste ye unmes curioso que tien una festividat bien remarcada. Y no me refiero a o Pilar, no, que ixa ye evident y perén en o pensamiento de cadagún y cadagún la vive u la celebra seguntes li pete. Me refiero a una que pasa mes desapercibida y quasi de vislai. Vusatros sabetz que o día 5 d'octubre ye Sant Froilán? Sabetz quál ye o Froilán mes famoso d'o país vecino? Pues ixo, que menos mal que la Leti y Felipe V d'Aragón (VI d'Espanya) s'han adedicau a parir como conellos y ya no i hai posibilidat de que ixatro pase a la historia como Froilán I d'Aragón. Ya podetz alentar tranquils, ya.....

Bueno, octubre tamién nos traye o suyo primer chueves de mes y que nusatros aproveitamos tal achuntar-nos en Santa Rufierta, que no ye patrona de cosa, pero que habría d'estar-lo, u no? Tal decidir de qué la femos patrona, nos reuniremos o chueves 2 d'octubre, a las 19:30 y dica las 21:00 en o bar Somport, que ye en a carrera García Sánchez, 34. No i manquetz, porque qui no i siga corre periglo de que la faigamos patrona de casa suya y que a partir d'allora haiga d'estar anfitrión d'as rufiertas y, claro, sacando birolla y bieras ta totz. Lo dito.

Salut y dica ixe día

Ta saper-ne mas puncha aqui: RUFIERTA ARAGONESA N'A TABIERNA D'O BICO

Fuente: www.facebook.com de Anchels F. C.