REMATANZA D'A ESPOSZIÓN Y CHARRADA DE RICARDO PÁRRAGA

Quiest@s sozi@s y amig@s,

o benién sabado día 20 rematará a esposizión tetulada "1982-2012, 30 añadas fendo l'aragonés" que, dende o 24 de setiembre, s'ha desembolicau en a Casa d'os Morlans (pza. San Carlos), y en a que emos prebau  d'amostrar o que ha feito Ligallo de Fablans de Zaragoza en toz istos años, con autibidaz como os cursos d'aragonés, a Tronca de Nabidá, as obras de teyatro, os Carnabals, os chuegos tradizionals, as edizions de libros, CDs y chambretas...

Ixa mesma tardi, dende as 19 oras, se i ferá una charradeta sobre a Esnabesada pirinenca ta esfender o Pirineu que se fazió en 1982 dende o lugar de Torla dica Benás. A esperienzia mos la renzetará o nuestro amigo y sozio fundador, Ricardo Párraga, qui contará con a colaborazión d'atros partizipans como estión Miguel Ánchel Martín, Miguel Ánchel Pérez y Fernando Romanos.

Amas de tot ixo, podrez besitar-ie a esposizión (si no lo ez feito encara) y mercar-tos a chambreta conmemoratiba d'o nuestro 30 cabo d'año y bel boleto de lotería, partezipar en o sorteyo d´una barquilla con produtos aragoneses e lebarse parti d´o material espuesto en a esposizion (dentradas a conciertos de Gwendal, Os resentidos, Ixo Rai!...).

Ta enamplar informazión:

Chan Baos,
Presidén de Fablans Zaragoza,

Telf. 692637391 y presidenzia.zgz@fablans.org

Datos d'a esposizión:
-Casa Morlans, Pza San Carlos, 4
-24 setiembre – 20 otubre de 2012.
-Debantadera á las 19:00 oras, apegada de cartels dende a siede de Fablans (Coso 112, pral. cucha)
-Orarios de setiembre: de lunes á biernes de 8:00 a 21:30 oras.
-Orarios de otubre: de lunes á biernes de 8:00 a 21:30 oras, sabados de 10:00 a 14:00 y de 17:00 a 21:00 oras, domingos de 10:00 a 14:00 oras.



Bitor Vélez,
Secretaire de Fablans Zaragoza

No hay comentarios:

Publicar un comentario