XVII FERIA D'O LIBRO ARAGONÉS

Quiest@s amig@s:

O benién cabo de semana, dende o sabado 3 dica o lunes 5 d'abiento, se zilebrará en Monzón a XVII Feria d'o Libro Aragonés. A botiga de Fablans, como toz os años, i será ta que tiengaz a posibilidá de conoxer todas as nuestras nobedaz y tamién merquez partizipazions de lotería con o numero 92727.

Antiparti d'a presenzia de Ligallo de Fablans, i abrá -si fa u no fa- 40 editorials y una esposizión de comics de Joaquín Xaudaró. Se i ferán presentazión de libros, autuazions mosicals, procheuzions de curtos, tallers, rufiertas, entrega de premios... y o domingo 4 saldrá de Zaragoza o tren d'a cultura por un pre de nomás 5 € ida y tornada.

Ligallo de Fablans de Zaragoza quiere contribuyir á un trasporte risponsable y premiará á la chen que biache en tren ta la capetal d’a Zinca meya. Más info arredol d’o tren, astí. En o tren beyerás chen de Ligallo de Fablans de Zaragoza que repartirá papeletas que podrás canxiar por bel presén en o puesto de A botiga de Fablans, en a Feria d’o libro. Demanda la tuya papeleta y amana-te por o puesto de l’asoziazión.

Más que más, remérate de mercar o tuyo billete d’o tren en Paseo Sagasta 32 de Zaragoza.

Mos i beyemos!!!

No hay comentarios:

Publicar un comentario