Buen día a totz y a todas
Ya marcha marzo (y a qué velocidat¡) y nos caye dencima abril, con a suya Semana Santa, as vacanzas con o suyo mal orache ya tradicional, as suyas alerchias y, sobretot, a Feria sevillana de Zaragoza que, fidel a o suyo compromís con a cultura y a luenga aragonesa, nuestro bienquiesto alcalde munta cada anyo. Que ya son poquetas luces, ya.... Meter chuntas a la Macarena(u a d'o Rocío, que agora no sé bien quál ye) y a la d'o Pilar ye como ficar dos gallos en o memo corral, u no? A la fuerza han de pleitiar y s'han d'estirazar d'os pels. Que si la un tien poder, l'atra ye a patrona d'a Guardia cevil, y ixo imprime caracter (y mala hostia, y si no que li'n pregunten a os chitanos). No sé si ixa convivencia puet estar pacifica...Pero si s'han de barallar, que siga como cal, en un ring pleno de bardo. A ixa feria m'apunto.
Bueno, abril tamién nos traye o suyo primer chueves, que ista vegada ye o día 3, con a suya rufierta en a tabierna d'o vico a on podremos fer as nuestras pintacodas mentals y foter a pingar a la Virchen de l'Almudena, a la de Guadalupe u a la que queramos. Tamién nos podemos meter con Rajoy u con Rubalcaba, pero ixos ya en a categoria de "fatos y carnuzos impenitents"
Hala pos, dica ixe chueves 3 d'abril, en o bar Somport (García Sánchez,34), entre as 19:30 y as 21:00 ta rezar o rosario. No i manquetz
Holio...qué vena agnostica(per no decir atra cosa) m'ha saliu hue t'o convite..¡ No vos ne faigatz, ni vos carranyetz, que ye con toda a innocencia d'o mundo y sin querer faltar a no dengún.
Fuente: www.facebook.com de Anchels F. C.
No hay comentarios:
Publicar un comentario