PROPOSA A COLLAS MOSICALS

Ahiere se dioron os premios d’a mosica aragonesa que como cada anyo fa Aragón Musical. Antis que no atra cosa, cal felicitar a la chent d’Aragon Musical por a suya fayena ta dinnificar a produccion musical aragonesa. Pero a lo que n’imos. Una d’as categorias que fa anyos que s’entrega (con polemica bell anyo, por cierto) ye a de Canta en luenga minorizata d’Aragon.

Una categoria an cabe tot. Aragones, catalan, musica d’autor, de conya, cantas en varias luengas… pero que a lo menos reconoix lo triballo d’as poquetas collas que fan mosica en aragones y catalan en Aragon.

Iste anyo, os nominaus yeran Dechusban por “Cucadetas” (aragones), Diego Stabilito por “Un actor invisible” (catalan), Inestables por “O suenio de Peter Punk” (aragones), y o ganador d’o premio, o multipresent y chenial Pepin Banzo chunto a Jota Lanuza d’Ixo Rai por “Jota from Saragossa” (multilingüe).

Ye verdat que a produccion en aragones u catalan en Aragon no ye muit gran, y ixo fa que istos premios sigan una mica desvirtuaus, porque, de feito, a canta ganadora no ye en aragones ni catalan. Asinas que dende Troballa, a microempresa que prebo de fer caminar, he decidiu ufrir una proposa a las collas mosicals aragonesas. Tenetz os detalls asti, pero isto ye lo que s’ufre dende Troballa. Tos animaz?

Tiens una colla mosical? Yes aragones? Tiengo una proposa a fer-te.
-Tu trigas una d’as tuyas cantas
-Yo foi a traduccion ta l’aragones de baldes
-Apanyamos a traduccion ta adaptar-la a la tuya mosica
-Tu la cantas, la grabas y la metes en a tuya siguient publicacion
-Totz os dreitos d’a traduccion y a canta son ta tu (u como goses publicar)
-Nomas m’adibes en os creditos d’a grabacion

Fuente: www.purnas.com

1 comentario:

  1. Pero con a grafía d'o 87, que a canta ye escrita asinas:

    "Ista ziudá ye a mía
    do yo luito e yo sangrodo
    yo bibo e yo sueniodo
    yo amo, do yo canto."

    ResponderEliminar