DIYA ENTRENACIONAL D’A LUENGA MATERNA

A UNESCO cilebra cada anyo en ista data o Diya entrenacional d’a luenga materna ta promover l’emplego de totas as luengas d’o mundo. Vivimos en un pais que tien a suerte (disgracia ta bells “aragoneses”) de tener tres luengas que a chent tien como maternas; L’aragones, o catalan y o castellan. Una vegada mas a Conselleria de Cultura d’o Gobierno d’Aragon xublida ista data y no tien garra convocatoria ta remerar a riqueza linguistica d’o pais.

Una vegada mas estara a sociedat civil ha que be de alzar o patrimonio aragones. Cal en iste diya remerar a dificil situgacion d’una luenga milenaria como l’aragones, os problemas ta o catalan en as zonas catalanofablantz, o disprecio sistematico contra tot lo que no siga o castellan en os meyos de comunicacion, metendo a manera de comunicar-se de 70.000 aragoneses en o territorio d’o folklore y no pas d’a cultura. Aprebar leis de menimos que amas no se cumplen en os plazos que cal no sirve ta cosa si no s’alzan os dreitos d’os fablantz, si no se dinnifica a cultura y as luengas en que han escrito Fernandez d’Heredia, Anchel Conte, Moncada u Lombarte, dentre atros muitos. As luengas en que cantan en a Val d’Echo, os Mallacan, os Draps, os Prau. As luengas en que charran cutiano dende a Val d’Anso dica Benas, dende a Ribagorza dica o Matarranya.

As luengas aragonesas son patrimonio d’o pais, pero antimas son feitos vivos, cada vegada mas amortatos, en que viven diya zaga diya milentas d’aragoneses. Cal esfender-las, cal alzar-las con leis y recursos, pero, sobre tot, cal aimar-las y charrar-las.

Fuente: www.purnas.com

5 comentarios:

  1. Aimar-las y charrar-las.
    Pero sobre tot aimar-las y charrar-las BIEN

    ResponderEliminar
  2. http://aragondigital.com/asp/carta.asp?notid=81039

    ResponderEliminar
  3. As luengas cal aimar-las, charrar-las, desfrutar-las, profes, pero sobre tot escribir-las bien.
    Cosa ista zaguera que en o respeutibe a la nuestra cada diya ba a pior, retaculando, retaculando... que fa fastio. ¿no sería millor respetar una escritura y no pas aber-ne 25.500?
    ¿Ta qué tantas?
    En abrá Academia que abíe isto??????????

    ResponderEliminar
  4. Tu si que escribes bien...

    ResponderEliminar