RUFIERTA ARAGONESA EN A TABIERNA D'O BICO - FEBRERO'15

Ola a totz y a todas

Dimpués de l'auturada nadalenca tornamos ta la nuestra rufierta con l'animo esviellau, a mala leit intacta y a luenga viperina mes esmolada que mai....u no?

En istos zaguers días he teniu ocasión de pensar en a famosa frase latina que diz que "verba volant". No sé quí la va decir, pero sí que me foi una ideya d'a on la podió decir: sin dubda en Zaragoza un día de ciercera... Hodo si "volan"...!Y si t'escudias se'n va a boca y o tozuelo volando dezaga d'as parolas. Digo yo que tamién podrían volar, y bien leixos, totz ixos vividors d'a politica... u millor no, que si marchan o los se leva o cierzo dimpués no sabríanos de qui fablar y de seguras que qualcún raventaba. Siempres nos quedaría l'aconhorto ent'o mundo d'a reyaleza que tanto y tanto prolifera per Europa, esqueferaus de tot, frivolos dica decir prou y .... bueno, no voi a continar, que me s'escalfa a boca y dimpués pasa o que pasa. Preguemos a Sant Froilán ta que Syriza nos alumbre y nos amuestre o camín.

Y digo yo, que si a belún de vusatros no vos importa que se vos escalfe a boca y o celebro, vos podríatz amanar o venient día 5, primer chueves de febrero, per o bar Somport, que ye en a carrera García Sánchez, 34 entre as 19:30 y as 21:00 y allá fablaremos d'o que hemos minchau en Nadal y d´o que nos han traito os Reis(los meto en mayusclas perque me refiero a os Magos d'Orient, os atros en minusclas y si podese estar con faltas d'ortografía....) Lo veyetz? Me tiratz d'a luenga y dimpués digo o que digo.

Nos veyemos ixe día. No i manquetz

Ta saper-ne mas puncha aqui: RUFIERTA ARAGONESA N'A TABIERNA D'O BICO

Fuente: www.facebook.com de Anchels F. C.