“ESFENDEMOS AS LUENGAS” DENUNCIA A OCULTACIÓN PREMEDITADA D’AS PAROLAS “LUENGA ARAGONESA” Y “LUENGA CATALANA” EN PROGRAMAS DE ARAGÓN RADIO COMO “A ESCUELETA” DE “SOMOS”

As politicas culturals d’os países más desembolicaus s’endrezan enta la sensibilización y concienciación d’a suyapluralidat multilingüe. Unica ferramienta que guarancia la suya pervivencia. En Aragón siempre ha estau de revés, y os partius políticos que en bella mida han controlau os medios de comunicación se han mirau d’entibocar, amagary fer comedia d’a pluralidat trilingüe d’Aragón.

Programas como “Somos” de Aragón Radio, y a suya sección “la escueleta”, en son un buen eixemplo. D’a man deJosé Ramón Marcuello preban de ridiculizar as luengas propias d’Aragón: aragonés y catalán, por medio de “palabricas” y chistes fácils. Fendo-nos creyer que son feitos isolaus de lugars de l’Alto Aragón u d’as sarras teruelanas, y no pas parti de dominios lingüisticos.

A participación de José Ramón Marcuello en o programa de Aragón TV “Bien dicho” ya deixó entreveyer a suya linia de chanzas y desprestichio lingüistico en os suyos comentarios. Una participación amparada por os gubiernos PP-PAR y/ u PSOE-PAR, qui siempre han teniu ista fin como obchectivo en os medios de comunicación que controlan.

Pa forro de boto, se refirma a eterna visión provinciana de que l’aragonés y o catalán son cosa de quatre paroletas de lugar, que tasament tienen ligallo con belatros lugars d’a redolada. Negando-les a suya urbanidat u a continidat con os suyos dominios lingüisticos más amplos. L’aragonés en tot Aragón, y o catalán en Catalunya, Valencia u Balears.

Como remate, os periodistas y “tertulianos” d’istos programas, con menimos conoiximientos lingüisticos se permiten o luxo de charrar de toponimia, polisemia, sustantivos… siempre sin asignar o lexico a la “luenga aragonesa” u “luenga catalana”.

Fuente: https://esfendemosasluengas.wordpress.com