ALCUERDO D’E.A. RESPECUTIBE Á L’ORTOGRAFÍA DE L’ARAGONÉS

Alcuerdo d’Estau Aragonés respeutibe de lo uso ortografico en luenga aragonesa.

Agora mesmo, en luenga aragonesa se fan serbir cuatro ortografías: a castellano-española, de tradición dialeutal dende finals de o sieglo XIX; a de o Congreso de 1987, de tradizión dende 1962; a propuesta por a SLA dende 2007 y a propuesta por o EFA dende 2009. Estau Aragonés considera que todas ellas son lechitimas.

Ta 2011, cumplindo-se a Lei de Luengas, se trigó l’Academia de a Luenga Aragonesa. Estau Aragonés reconoxe incondizionalmén l’autoridá lingüistica d’iste organismo y aspera que antis con antis aprebe unas normas ortográficas definitibas.

Entremistanto que l’Academia de a Luenga Aragonesa prene a suya decisión, Estau Aragonés alcuerda fer serbir a ortografía de o Congreso de 1987 como ofizial ta os suyos documentos internos y esternos. En todas as plataformas sozials u políticas conchuntas que i partizipe, EA propondrá que en os testos en aragonés se faya serbir ista ortografía, pero asumirá l’alcuedo de a mayoría de as entidaz que bi sigan.

Fuente: http://blog.estauaragones.org

4 comentarios:

  1. todas son lechitimas... pero EA eslixe una... chusto la que ha causau más enfrontinamiento....agora con a Rudi ya sabetz, tot tabaixo, tanto esfuerzo ta cosa

    ResponderEliminar
  2. Milenta d'horas ta basura. Un a glarimeta per l'aragonés

    ResponderEliminar
  3. No se ha arrullau brenca t'a basura, ni o treballo de o CFA feito dica agora ni o treballo feito por EFA son malfurriaus, servirán de base ta consensuar una grafía común, serán materials de treballo d'a futura academia publica, tot lo que fan totz valdrá y ha valiu. Lo que fa falta ye menos enfrontinamientos, quimeras personals y resentimientos. O PP se frata as mans quan nos veye asinas a os "de la fabla"

    ResponderEliminar
  4. Ya ye prou. Per favor... Lo que si que ye verdat ye que asinas s'escribe muito millor... profés! Denantis con l'atra ortografía, caleba fer un exercicio de tragaderas de saliva y tapar-te un poquet los güellos d'o mal que feba beyer ciertads parolas con z cuan en la romania s'escriben con c un con b cuan el la romania s'escriben con v.

    D'ista traza creigo qu'estará más fácil atrayer a antigos charradors y tamien a atros fer-les tresbatir lo miedo ta amenar-se un poquet anuestra polida luenga... u no?

    ResponderEliminar