XXXVII BAIXADA D'AS NABATAS. RÍO ZINCA. MAYO 2023
Os nuestros amigos de l'Asociación de Nabateros de Sobrarbe han preparau a XXXVII Baixada d'as nabatas (19, 20 e 21 de mayo). Mayo, mayo..., ixo mesmo, que cal que baixe mayenco por a Zinca. Asinas que cal que pleva u caiga buen nevazo.
Posición de Ligallo de Fablans de l’Aragonés sobre a nueva norma grafica d’a luenga aragonesa (acuerdo normativo 2/2023 de 3 d’abril), transmitito a ra dirección de Politica Lingüstica o 27 d’abril n´as chornadas de consulta con asociacions que organizó a DGA.
En primeras agradeixer a ra Dirección Cheneral de Politica Lingüística, e concretament a o suyo Director Cheneral, Don Ignacio López Susín, por a important esfugada realizata a ro largo d‘istos años en os que ye estato a o frent d‘ista institución, por a fayena feita en a promoción, empente, reconoiximiento e dignificación d’a luenga aragonesa en o contexto actual d’a sociedat aragonesa. Igualment valuramos muito positivament o proceso de consulta acometito dende ra Dirección Cheneral, ta valurar l’aprebación d’as nuevas normas graficas de l’aragonés.
Ligallo de Fablans de l’Aragonés acatará aplicando ra nueva normativa grafica d’a luenga aragonesa aprebata por l‘Academia d’as Luenga d’Aragón en a suya resolución (Acuerdo normativo 2/2023, de 3 d’Abril), de forma progresiva a partir d’o venién 10 de Mayo, inte que dentrará en vigor, dezaga d’a suya publicación en o Boletin Oficial d ́Aragón (BOA). Instamos a ras institucions aragonesas involucratas: Academia y Gubierno d ́Aragón, a cooperar ta facilitar o proceso, e que iste feito historico suceda antis con antis. D’atra man nos femos firme cargo d’a important esfugada e treballo realizato en l’Academia con l’aprebación d’ista grafía, asinas como d’os votos partilculars. En tot caso, Ligallo de Fablans de l ́Aragonés a tot trance acatará aplicando a norma legal de rango superior que sía vichén en cada inte.
Finalment consideramos, que ye menister avanzar t‘aconseguir recuperar o conseso dentro d’o movimiento en esfensa e recuperación d’a luenga aragonesa. Instamos a tota ra comunidat de fablans, asociacions, entidaz e institucions responsables, ta o dialogo y entendimiento ta lograr iste obchetivo, e treballar toz e totas a-ixena por l’aragonés.
Guillén Forcada. Presidén de Ligallo de Fablans de l’Aragonés
EDITAU POR FABLANS, YA YE AQUÍ "PLANTANDO FUERTE”, O NUEVO DISCO DE OS CHOTOS
Ya
ye aquí “Plantando fuerte”, o nuevo disco de Os
Chotos, o grupo de Kike Ubieto, Daniel Farran, Dani Caracola,
Diego Zaldívar, Miguelé Abadías y Santi Manresa. Ha estau editau
por Ligallo de Fablans de l’Aragonés y por a Fundazión Aragonum.
O suyo pre ye de 15 euros, de
gufaña
si yes sozio d'o Ligallo -pasa-te a buscar-lo por a sede
en O Caracol de Independenzia-.
O pasau 22 d'abril se sintió
en Tarataña, o programa de Radio
3 que conduz Fernando Iñiguez sobre as mosicas ibericas de radiz:
podez
buscar o podcast en internet
INFORME CHURIDICO SOBRE A NUEVA GRAFÍA DE L' ARAGONÉS. FUNDAZIÓN ARAGONUM E LIGALLO DE FABLANS DE L' ARAGONÉS
A Fundazión Aragonum ha demandato un informe churidico sobre ras custions legals que pertocan a ra publicazión d’a nueva grafía de l’aragonés. A semana siguién se reunirá ra Chunta Direutiva de Ligallo de Fablans de l’Aragonés ta posizionar-se e fer dezisión sobre ra nueva grafía, caldrá parar cuenta d’o informe churidico que aquí publicamos.
IBIECA-SAN MIGUEL DE FOZES-CASBAS DE UESCA. 16 d'abril 2023
LIGALLO DE FABLANS DE L’ARAGONÉS
CLUB D’OZIO E TIEMPO LIBRE DE FABLANS
IBIECA-SAN MIGUEL DE FOZES-CASBAS DE UESCA
Domingo 16 d´abril de 2023
Programa
8:00 Salida de Zaragoza en autobús. Puesto Paseo Maria Agustin, 20. Parada del museo Pablo Serrano.
9:30 Ibieca. Inizio d´a excursión a pie. Recorrito total de 7,5 km, tasamén sin desnivel.
10:00 Una gambada de 2 km y plegamos en a Ermita-panteón de San Miguel de Fozes (sieglo XIII). Visita guiada.
11:00 a l’arreu, continaremos con a cursa. De km, en faltarán 5,5.
13:00 plegaremos en Casbas de Uesca y nos n’iremos a minchar ta Angüés (bus), en Casa Lafarga (cal reservar aparte, pré d’o menú 23 euros)
16:00 Tornamos ta Casbas ta veyer-ie o Monesterio de Nuestra Señora d’a Gloria (sieglo XII) y o Zentro d’interpretazión de l’aragonés, Visita guiada monesterio.
17:30 Tornata ta casa
19:00 Zaragoza
Pre: 30 euros sozios y 35 euros no sozios.
7,5 km de recorrito total, sin desnivel, apto ta toz e totas
Comida en grupo (opcional) 23 euros. Cal reservar plaza.
CHARRADA DE CARLOS ABRIL EN O LIGALLO
O pasato 24 de marzo, en o cuatrón de l’ Aula Ubierta de Ligallo de Fablans de l’Aragonés, se desembolicó a charradeta sobre l’orichen d’a lengua aragonesa. S’emplegó como alazet o bidio “Visiones 2: Formación del Aragonés y del Catalán de Aragón” d’a canal de youtube de “Lenguas de Aragón”. A charradeta la desembolicó Carlos Miguel Abril Carceller, profesor d'Aragonés, Consello d'a Fabla Aragonesa.
Se i paró ficazio espezialmén en o tocán a porqué, cómo e cuán surten as luengas romanzes (disoluzión d’o Imperio Romano d’Ozidén, nuebas soziedaz-luengas, o caso d’Aragón); bels primers testos aragoneses (Las Glosas Emilianenses, o “Vidal Mayor”, a “Cronica de S. Chuan d’a Peña”,...); a castellanizazión; a epoca d’o “Escubrimiento” (Joaquín Cosata, J. J. Saroïhandy...); a epoca d’a ditadura franquista, V. Méndez Coarasa, a literatura popular en aragonés ribagozano...; e o “Dispertar” (c. 1970) con l’aparizión de os primers testos literarios en aragonés común e local con conzenzia de lengua (Francho Nagore, Ánchel Conte, E. Vicente de Vera, Nieus Luzía Dueso Lascorz...), e a creyazión d’o Consello d’a Fabla Aragonesa. Se remató con a letura d’o primer poema “T’ha aturáu quizás...” d’o poemario fundazional “Sospiros de l’aire” (1971) de Francho Nagore Laín.
YA YE DISPONIBLE EN PLAY SOTRE L'APP ARAGONARIO
Ya ye disponible, ta estar descargada sin coste, l’app Aragonario ta Android.
Se trata d’un traductor bidirezional aragonés-castellano y castellano-aragonés, que permite a l’usuario a traduzión inmediata de palabras y ofrexe informazión gramatical complementaria.
O proyeuto se suma asinas a os esfuerzos que, dende a Direzión Cheneral de Politica Lingüistica d’o Gubierno d’Aragón, se son invertindo en normalizar l’emplego de ferramientas y aplicazions innovadoras que milloren o libel de dichitalizazión d’as luengas propias d’Aragón.
Charrada de Carlos Abril Carceller: "Formazión de l'aragonés e zonas d'emplego. Comentarios e desemboliques a Visiones I e II. Canal YouTube Lenguas de Aragón"
Ligallo de Fablans de l'Aragonés invita a totas e toz a la charrada de Carlos Abril Carceller: "Formazión de l'aragonés e zonas d'emplego. Comentarios e desemboliques a Visiones I e II. Canal YouTube Lenguas de Aragón"
Viernes 24 de marzo, 19:00 oras, en a siede de Fablans: Paseo Independenzia 24-26, Planta 1, local 71. 50004 Zaragoza. Inscripzión previa en: presidenzia@fablans.org o 692 637 391
Suscribirse a:
Entradas (Atom)