Estimaus socios e socias:
L'año zaguero prencipiemos con o resurchir d'a nuestra tresbatida
tradición editoriald e Ligallo de Fablans atraviés d'a edición d'a
revista ORACHE. Me fa goi comunicar-tos que ya ye maquetau o venien
numero d'a revista y será ninviata t'os vuestros domicilios en
breu.
Amás a Fundación Aragonum, edita o suyo primer libro: a versión en
castellán d'o libro "Carlos E. Montañés. Catalán y aragonés, un
personache fundamental en a construcción d'a Espanya moderna". De
Joaquim Montclús i Esteban. Dende a Fundación hemos prebau de que iste
no
siga ra edición d' un libro más, sino un apueste de luengo, una gran
presentación no solament d'o libro, si no d'a Fundación, a la
finitiva, d'o Ligallo e d'o nuestro proyecto cultural en defensa
d'a cultura e la luenga aragonesa. O libro narra la vida e obra
esconoixida d'un personache historico que ha influyiu decisivament en a
realidat d'a sociedat actual. En o que nos pertoca yera de abolorio de
Mazaleón, fundó a casa d´Aragón en Madrid y empentó inversions en Vall
de Roures (circunscripción por a que estió deputau bellas añadas.
Gracias a os contactos de Joaquim (Calaceit), o autor d'o libro, imos
a poder presentar o libro en un escenario unico: O Congreso d'os
Deputaus. L'acto será presentau por Joaquim Montclús (como autor d'o
libro), Manuel Campo Vidal (escritor e periodista y autor d' o prologo
en castellán), Joan Capdevila i Esteve (Delegau d'o Gubierno d'a
Cheneralidat de Catalunya en Madrit) e Guillén Manuel Forcada, per a
Fundación
Aragonum, como editorial d'o libro. Aguardamos que bi asistan varias
personalidaz poleticas e feguras siñaleras d'o mundo d'a cultura e
a prensa.
En ista circunstancia no podébanos deixar de meter toz os meyos ta os
nuestros socios, alumnalla de cursos e amigos d'o Ligallo de Fablans
de l'aragonés e d'a Fundación Aragonum, ta que podaz asistir ta l'acto
que será o venién día 21 de noviembre a las 12.00 horas. Sala Clara
Campoamor d'o Congreso d'os Deputaus (plaza de las Cortes 1).
O programa d'actividaz ta os que queraz apuntar-tos-ie ye o siguient:
6:45: Eixida de Zaragoza. Museu Pablo Serrano. Paseyo María Agustín
20.
11.00. Plegada en Madrit. Traslau t'as instalacions d'as Corz.
11:30 – 11:45: Dentrada en a sala.
12.00 – 13:30: Acto de presentación.
14:00 – 15:30: Chenta libre.
16:00 – 17:45. Vesita t'o Museu d'o Prado.
18:00. Tornada ta Zaragoza.
22:00. Plegada en Zaragoza.
Pre: coche + Museu d'o Prado 35€
Pre: Coche + Museu d'o Prado + Libro 42€
O libro saldra a la venta per 21,5€. Os socios tendrán una rebaixa
d'un 10% per l'adquisición de l'eixemplar.
E profes, tamién puet acudir-ie por a tuya cuenta sin inscribir-te en
ista actividat programada.
Per favor, si quiers recivir envite ta l'acto nomas cal que nos
contestes a iste correu electronico, endicando-nos, nombre apellius e
telefono. O gabinete de comunicación e protocolo, se meterá en
contacto con tu ta remitir-te l'envite correspondient. Hemos de
comuncar toz os asistents ta l'acto varios días antis, asinas que
hemos de zarrar as inscripcions ta o día 15 de noviembre.
Si no puet asistir-ie, feremos grabación d'acto e retransmisión en
directo por streaming. Amenistaremos tamién que nos lo comuniques
contestando a iste correu, ta pasar-te o enlaz an que lo podrás seguir
en
directo de traza online.
Asperamos poder contar con a tuya asistencia, aproveito iste inte ta
ninviar-te un cordial saludo.
Guillén Manuel Forcada
President
No hay comentarios:
Publicar un comentario