L’asociación
de Vecinos “Virgen del Pilar” de Cunchiellos y BlogCunchillos, con a fin de
fomentar a creatividat literaria en relación a lo nuestro lugar y vista
l’acceptación d’a primer edición en castellano, convocan o I Certamen de
Microrrelatos “microCunchiellos” en lengua aragonesa.
A
presentación ta este certamen implica l’acceptación d’as siguients bases:
1.
Podrá participar en o certamen qualsiquier persona fisica, a partir de 16
anyos, de qualsiquier nacionalidat.
2.
O tema será libre, siempre que en o microrrelato se mencione “Cunchiellos” u se
faga bella referencia clara de dita localidat u de bell elemento d’a mesma.
3.
A extensión d’as obras será de 400 caracters como maximo (contando espacios y
signos de puntuación) y sin contar o títol.
4.
As obras serán escritas en aragonés, tanto común como en qualsiquiera d’as
suyas variedatz.
5.
Os textos habrán d’estar orichinals y no haber estau publicaus en garra medio u
soporte. No podrán haber recibiu previament dengún premio u accesit en atro
certamen u concurso.
6.
Os orichinals d’as obras se presentarán unicament en formato dichital.
Os
treballos habrán d’estar inviaus ta l’adreza electronica:
blogcunchillos@hotmail.com
En
l’afer d’o email s’especificará: I Certamen de Microrrelatos y l’acompanyarán
dos archivos adchuntos (en formato pdf), o primero an que s’incluirá o
microrrelato (sinyau baixo embotada) y o segundo an que s’incluirá: títol y
embotada, nombre y apellius, adreza de correu electronico, provincia an que
reside y edat, amás d’expresar si deseya que o microrrelato siga publicau con
nombre u embotada.
A
organización nomás mantendrá correspondencia con os participantes pa confirmar
a participación en o concurso.
7.
O certamen ye dotau con os siguients premios:
–
Primer Premio: Diploma acreditativo y un lote de libros a determinar por a
editorial Transiberiano, colaboradora en este concurso.
–
Segundo Premio: Diploma acreditativo y detalle a determinar por a editorial
Transiberiano.
–
Totz los microrrelatos: Publicación d’os microrrelatos en BlogCunchillos y en
dos cuadernos presents en a biblioteca de Cunchiellos dende o prencipio d’a semana
cultural 2017.
8.
O plazo de presentación prencipiará dende a publicación d’estas bases y se
zarra o 25 de Marzo de 2017 a las 22:00h.
9.
O churau será composau por as siguients personas:
–
Da. M.ª Pilar Benítez Marco, doctora en Filolochía Hispanica, ye profesora
d’Enseñanza Secundaria e de Universidá. Ye autora de monografías sobre
l’aragonés, como L’ansotano. Estudio del habla del valle de Ansó, y de obras en
ista luenga, como Conchunzions.
–
D. Rubén Ramos Antón, Periodista. Doctor en Información y Decumentación.
Profesor de Periodismo en a Universidat de Zaragoza. Autor d’as novelas en
aragonés “Vidas crebazadas” y “En l’altro canto d’a buega“.
–
D. Dabi Lahiguera Albericio, cunchillero, licenciau en Sciencias Fisicas y
profesor de Tecnología En Educación Secundaria. Investigador y profesor d’a
lengua aragonesa, y autor de publicacions como a novela Ucronía.
10.
O fallo d’o churau se dará a conoixer publicament o 2 d’Abril de 2017 a traviés
d’o blog “BlogCunchillos” (blogcunchillos.wordpress.com).
11.
O churau no podrá declarar desiertos os premios d’o certamen.
12.
Todas as obras presentadas se publicarán en BlogCunchillos y podrán estar
utilizadas en un futuro en qualsiquier soporte como libros, quadernetz,
publicacions varias, webs, blogs u qualsiquier atro formato que a organización
considere convenient pa la suya difusión, sin necesidat de previo aviso a lo
suyo autor.
13.
As ganadoras y/u ganadors d’este concurso habrán de replegar o suyo premio en
Cunchiellos o día que determine a organización.
14.
O punto 7 d’as bases d’este concurso podrá estar modificau en qualsiquier
momento, estando notificau a tot concursant que haiga presentau a suya obra.
15.
A participación en o concurso suposa l’acceptación d’as bases, a conformidat
absoluta con a decisión d’o churau y a renuncia a qualsiquier reclamación.
Fuente: blogcunchillos.wordpress.com
No hay comentarios:
Publicar un comentario