O benién sabado 19 de nobiembre se ferá en Echo, parada por Espelungué y l'asoziazión Bisas de lo Subordán, a chornada de combibenzia Vivindo'n Cheso. Ye una enchaquia sobrebuena ta sentir, ascuitar y mesmo escubrir a polideza d'o cheso, a bariedá local d'aragonés que contina emplegando-se de traza cutiana en ixa bal pirinenca. Por ixo tos animamos á que i partizipez, que de seguras tos ferá muitismo goyo y tornarez conoxendo millor y aimando encara más a nuestra chiqueta fabla.
Saldremos á las 8 de Zaragoza, ta que mos bague d'estar-ie tot o día. Alto u baxo, o programa será o siguién:11:00 oras. Plegada en Echo.
11:30 oras. "De gorguera y de calzón": o trache tradizional cheso.
14:00 oras. Chenta en restaurán "Lo Foratón".
17:00 oras. Trobada literaria con Emilio Gastón y Marta Marín.
18:30 oras. Representazión d'a comeya “Besos”.
Malas que remate o teyatro, tornaremos ta Zaragoza, prebando de plegar-ie antis d'as 11 d'a nuei. Emos feito cuentas y o pre será de 35 € con a chenta. Si belún/a nomás quiere que o biache, o pre será de 15 €.
Ta apuntar-tos podez fer-lo en os telefonos 976231299 y 692637391 u á trabiés de l'adreza de correu eleutronico fablanszaragoza@gmail.com.
Diziz-les-ne á la buestra parentalla, amigos y resta de conoxenzia!
Chuanchu Pérez
Colla d'Animazion y Autibidá
Ligallo de Fablans de Zaragoza
Colla d'Animazion y Autibidá
Ligallo de Fablans de Zaragoza
No hay comentarios:
Publicar un comentario