Ista iniciativa naixe dende Ligallo de Fablans de l’Aragonés y Fundación Aragonum, dos organizacions que luitan por esfender a luenga y a cultura aragonesa. Dende istas entidaz han parau cuenta de que bi ha pocas iniciativas actuals de creyación de conteniu completament en aragonés en retes socials.
“Si l’aragonés quiere tener futuro ha de tener presencia en toz os ambitos d’a sociedat, e actualment os retes socials son fundamentals en a vida de tota la chent, más que más chovens.”
Per ixo, dende noviembre de l’anyo pasau, Lizer Fleta Esteban y Sara Ramírez Soto, d’os chovens vinclaus a las organizacions, han empecipiau una canal en Youtube, charrando en aragonés, que ya cuenta con cinco vidios.
“Queremos amanar l’aragonés a la vida cutiana d’a chent, dende una perspectiva cercana y accesible. O nuestro obchetivo ye visibilizar y meter en valor l’aragonés, demostrando que ista luenga tamién fa part d’o present d’Aragón e que puet fer-se servir por cualsiquier persona en o suyo día a día.”
Os primers vidios que penchoron son dos gambadetas por a redolada de Zaragoza, una t’o Monesterio d’a Cartuixa e atra ta Chuslivol, pa amostrar as gambadetas que puet fer la chent e as cosas que se i pueden trobar.
Os dos siguients vidios con un ton más reivindicativo, o primer, criticando a chestión d’o patrimonio destruito d’a ciudat de Zaragoza. Dimpués, l’atro fablando d’o legau d’a Expo de
Zaragoza 18 anyos dimpués. Ya finalment, o zaguer vidio que han penchau, por agora, ye un vidio con as curiosidaz d’o Cimenterio de Zaragoza.
Tot isto se planteya dende un enfoque divulgativo, pero leixos de tecnicismos o planteyamientos academicos. Tot dende una actitut informal y somarda, como ye caracteristico d’os aragoneses, pa pasar un buen ratet sentindo l’aragonés e aprendendo cosetas curiosas.
“No miramos d’impartir licions d’aragonés, sino de normalizar o suyo emplego”
Por agora han penchau un vidio por mes y asperan continar con iste ritmo. Amás o nuevo conteniu que quieren fer ya ye endrezau: con colaboracions con atra chent que charra atras luengas minoritarias, entrevistas a chent relevant d’o mundo de l’aragonés…
Tamién son ubiertos a cualsiquier colaboración con chent que fable aragonés.
Asinas que si quiers mirar que son guisando istos mesaches por retes socials seguiz-los en YouTube, https://www.youtube.com/@Ligallocharrador
pero tamién en Instagram o TikTok
.png)