Redazión d'o blog

A redazión d'o blog ye qui preba de replegar y achuntar totas as notizias y autibidaz que se fan arredol d'a luenga y cultura aragonesa. Ta desembolicar ixe treballo trigamos en toz os meyos de comunicazión dichitals u rayatos, blogs, webs, retes sozials, etc, y cuan trobamos bella notizia intresan a ficamos en o blog ta que sia bistera ta os nuestros sozios y amigos. 

Tamién en o blog replegamos totas as autibidaz, cursos y ebentos que fa Fablans Zaragoza. D'ista traza, o blog ye un meyo de comunicazión de l'asoziazión, tanto a ran interno como ta expardir as nuestras nobedaz a toz.

A colla de treballo d'a redazión d'o blog ye formata principalmen por Antonio Brosed con colaborazions d'a Chunta Direutiba de Fablans, amás d'as colaborazions fotográficas puntuals de Ricardo Párraga ''Chiri''.