Ligallo de Fablans de l'Aragonés, Gara d'Edizions e ista vegada, chunto a la Diputación de Zaragoza, tornamos a fer as "Trobadas con..." En ista ocasión con Elena Chazal y Juan Carlos Marco Pueo, o 23 de setiembre en o Salón Antiguo de Plenos d'a DPZ. Viene-te-ne! #ligallofablans #fundacionaragonum
Ligallo de Fablans de l’Aragonés y Fundación Aragonum entregan os Premios Arredol 2025 a Nacho López Susín, Liena Palacios y Chan Baos.
Ligallo de Fablans de l’Aragonés y Fundación Aragonum han celebrau iste sabado 28 de chunio a entrega d'os Premios Arredol 2025, en reconoixencia a trayectorias personals clau en a esfensa y promoción d'a luenga aragonesa. Iste año, los gualardonaus han estau José Ignacio López Susín, Liena Palacios Rasal y Chan Baos Muñoz. As suyas vidas han estau intimament ligadas a lo compromís con una luenga viva y digna. Amás d'os premiaus, iste año s'ha quiesto rendir homenache, en o suyo 30 Aniversario, a aquel mitico concierto per l’aragonés, “A Ixena”, que organizamos allá per mayo de 1995, con numerosas bandas y personaches publicos que cantoron y recitoron en aragonés, en o escenario d'o Rincón de Goya (Zaragoza). L'acto, a lo cual acudioron mas de 60 personas, contó con a presencia de destacadas personas d'o mundo d'a cultura y a luenga aragonesa (Academia Aragonesa d'a Luenga, Diploma d'Especialización en Filolochía Aragonesa d'a Universidat de Zaragoza, Fundación Gaspar Torrente, Rolde de Estudios Aragoneses, Consello d’a Fabla Aragonesa, Aragón Despierta, Gara d’Edizions).
Como colofón a la entrega d'os premios y l'homenache “A Ixena”, s'ha contau con a presencia de Gaiters de Tierra Plana, de Uesca, grupo de mosica tradicional que, dende 1998, acompaña a la Comparsa de Chigants, Cabezudos y Caballicos de Uesca. O concierto d'os gaiters oscenses ha zarrau, como siempre, una emotiva chornada en a cuala compartir mosica, reconoixencias y buens deseyos per nuestra quiesta y menazada luenga.
Os Premios Arredol, organizaus per o Ligallo de Fablans de l'Aragonés y a Fundación Aragonum s'han celebrau a las 19h en l'Agrupación Artistica Aragonesa, ubicada en a carrera Mariano Lagasca 23, de Zaragoza. Istes gualardons s'entregan coincidindo con o cabodaño fundacional d'o Ligallo -este año celebramos o suyo 43 Aniversario-, y buscan visibilizar o treballo colectivo y voluntario que mantiene viva la luenga aragonesa frent a la suya actual situación de desprotección institucional.
Nacho López Susín, avogau zaragozano y figura clau en a politica lingüistica d'Aragón, ha estau reconoixiu per o suyo papel alacetal en a creyación y desembolique de marcos institucionals de protección pa l'aragonés. Participó en a redacción d'o primer anteproyecto d'a Lei de Luengas en 1998, estió miembro d'o Consello Superior d'as Luengas y endrezó l'Adreza Cheneral de Politica Lingüistica dica 2023. Amás d'a suya labor institucional, ha estau autor, editor y militant activo en multiples colectivos aragonesistas. O suyo treballo ha estau siempre discreto pero incansable, con una visión de comunidat y una convicción profunda per la dignificación d'a luenga.
Tamién han recibiu o premio Arredol Liena Palacios Rasal y Chan Baos Muñoz, per a suya labor voluntaria. Liena Palacios, activa dende los años 90, ha ocupau numerosos rols a lo largo d'os años en o Ligallo de Fablans de l’Aragonés: presidenta y secretaria d'o Ligallo de Zaragoza, presidenta d'a Federación de Ligallos de Fablans, comparecient en as Corz en esfensa de l'aragonés, impulsora d'a Escuela Nabata y coordinadora d'a biblioteca d'o Ligallo tres decenios. O suyo treballo ha dixau un siñal imborrable en a construcción d'alacez culturals en esta asociación. Chan Baos, per a suya parti, ha estau una d'as caras visibles mas constants d'o Ligallo: president de 2011 a 2020, botiguero dende 2004, animador cultural, actor en prochectos escenicos en aragonés y coordinador de numerosos cursos de formación.
Perque sin personas como Nacho, Liena y Chan, l'aragonés no habría plegau dica aquí. Gracias per tanto.
Iste mierques 21 de mayo, Día Mundial d'a Diversidat Cultural, será la presentación d'o libro y DVD "Cosetas d'adentro" (Gara d'Edizions) de Lola Gracia Sendra, en a biblioteca Andresa Casamayor (Roseras d'a Canal). Amás d'a presentación se prochectará lo cortometrache d'o mesmo títol, opera prima de Lola Gracia, basata en un cuento que estió premiau en o concurso "Condau de Ribagorza", escrito en baixo-ribagorzano, a suya luenga materna, d'an surtió lo guión. #ligallofablans #fundacionaragonum
O venient 9 de mayo seremos con Carlos G. Esteban en a nuestra siede, que nos presentará o suyo libro "Parola de diaplerona" pero tamién nos fablará de cómo ye o proceso d'escribir en una luenga minoritaria. Viene-te-ne! #ligallofablans #fundacionaragonum
O Ligallo de Fablans de l'Aragonés, Fundación Aragonum y Gara d'Edizions aunen as suyas fuerzas ta fer posible una serie de trobadas entre alumnos d’aragonés y escritors, traductors y estudiosos d’ ista luenga. TROBADAS CON… serán en a siede de Fablans-Aragonum (Centro Comercial Independencia de Zaragoza). En ista ocasión con Rafel Vidaller Tricas.
21 marzo. TROBADAS CON... Chusé Inazio Nabarro ("Reloch de pocha" y "Mesaches")
O Ligallo de Fablans de l'Aragonés, Fundación Aragonum y Gara d'Edizions aunen as suyas fuerzas ta fer posible una serie de trobadas entre alumnos d’aragonés y escritors, traductors y estudiosos d’ ista luenga. S’inicia TROBADA CON… en a siede de Fablans-Aragonum (Centro Comercial Independencia de Zaragoza). Se i farán toz os meses y ocasionalment podrán fer-se en atros puestos pendendo en l’aforo. Reserva la tuya plaza apuntando-te-ie en comunicazion@fablans.org
Y o Día 21 Febrero, Día d'a Luenga Materna, prencipiaremos con Juan Pablo Martínez.
Dende Ligallo de Fablans de Aragonés y Fundación Aragonum te convidamos a desfrutar d'ista presentación y proyección d'o documental "Baitico l'hombre-libro de la valle de Bielsa", con os nuestros amigos de Biella Nuei #ligallofablans #fundacionaragonum
Nuei d’Almetas en Aragón: Una Nuei ta remerar y honrar a los nuestros defuntos 
Radiquero (Sarra de Guara) ye un d'os puntos clau an que a celebración d'a Nuei d’Almetas se mantiene cereña, liderada por l'Asociación O Coronazo. Astí, o 31 d'octubre, as familias s'achuntan ta tallar carbazas y fer una procesión dica o fosal chunto a feguras como "as almetas" y "os totones", animas en pena que protechen o sagrero. Un espectaclo impresionánt y pleno d'historia!
Si buscas una celebración autentica y profunda, Radiquero y Trasmoz son lugars perfectos ta descubrir a riqueza d'a Nuei d'Animas en Aragón
