A Istituzión
Ferial de Monzón ha albergau en ista edizión de a Feria de o Libro aragonés
cuatro esposizions en a planta baxa de a zucrera: una arredol d’escritoras
aragonesas, atra de mullers aragonesas ilustres, a terzera alazetata en un
rilato de Chusa Garzés y a zaguera, de as trenta añadas de Fablans.
Ista ye a segunda bez que Fablans Zaragoza amuestra o suyo material coinzidindo con o trenteno cabo d’año de a legalizazión d’ista entidá. A ziudá de Monzón ye un puesto espezial ta Fablans porque estió astí an se creyó a primer (y unica) escuela de cultura aragonesa á pachas con o conzello, o Gubierno d’Aragón y fundos europeyos. Tamién a Feria de o Libro aragonés en as dezigüeito edizions ha prebato d’amostrar cuánta cultura literaria entra en una zucrera. Á la fin, a organizazión de a IFM ha feito un esfuerzo por que Fablans tienga iste chicot espazio en ista feria.
O diya 3 de
chinero se presentará una añada más a Tronca de Nabidá de Fablans Zaragoza de
maitins en a zucrera. De tardis s’organizarán unos chuegos tradizionals ta
crios.
Chan Baos,
Presidén de Fablans Zaragoza.
No hay comentarios:
Publicar un comentario