ARAGONÉS EN INTERNET

En una semaneta arribará o veranet ta yo. Dica alavez, tos comento una cosa que he trobau gracias a os retz socials, en especial, a facebook, que a vegadas puede fer honra. En iste caso ye un articlo muit interesant sobre a repercusion que puede tener Internet en o desenvolique d'as luengas chicotas y, en especial, de l'aragonés. Se diz: "New ways to revitalise minority languages: the impact of the internet in the case of Aragonese" Os suyos autors, S.J. Paricio y J.P. Martínez nos fan un repaso por as posibilidatz que Internet ufre a istas luengas, tamién por l'aragonés, por a suya fuerza en o ret, os problemas y retos de futuro, y nuevas vias que se pueden ubrir en o suyo camino enta a normalización dichital.

Sin duda, un articlo bien interesant que podemos leyer en anglés [aquí], catalán [aquí] y castellano [aquí]. S'ha publicau en a revista académica anual d'a UOC Digithum nº12, un magnifico puesto de propaganda por a suya importancia en ixe ambito. En fin, un regalet ta totz os que somos seguidors d'as luengas minoritarias en Internet!

Una propuesta que se m'ha ocurriu quan lo leyeba ye d'empentar a creación de grupos en aragonés en Facebook, ni que sían comprometius con a luenga ni que no, rai, pero que sían en aragonés. Yo, por exemplo, progongo de creyar o grupo "Por a inclusión de l'aragonés como luenga d'a Escuela Oficial d'Idiomas". Quí s'anima?!

Fuente: chemecos.blogspot.com/

No hay comentarios:

Publicar un comentario